വേടൻ വഴി വിഴിഞ്ഞം

എന്റെ ശ്രീ പപ്പനാവാ കാത്തോളണേ!

- സുന്ദർജി

ഒന്നാനാം കൊമ്പിൻമേൽ
ഒന്നാംകിളി ഷൈൻ ടോം കിളി പാടി
"ലഹരി, ലഹരി, ലഹരി
രണ്ടാനാം കൊമ്പിൻമേൽ
രണ്ടാംകിളി ഭാസിക്കിളി പാടി "ലഹരി,
ലഹരി, ലാസ്യലഹരി
മൂന്നാനാം കൊമ്പിൻമേൽ
മൂന്നാംകിളി ഖാലിദ് കിളി പാടി "ലഹരി,
ലഹരി ലാവണ്യ ലഹരി
"കഞ്ചാവ്! കേരളം
കണികണ്ടുണരുന്ന ലഹരി
എന്നാക്കിയാലോ എന്നു വേടൻ.

"ആരെട വേടാ! നീ
പാടച്ചര കീടാ!'എന്നു വനം
വകുപ്പ് ചാടി വീണു വേടനു
നേരേ മാ നിഷാദ എന്നു
വനംവകുപ്പിനെതിരെ
സാംസ്കാരിക ജിഹ്വകൾ
ശ്ളോകം ചൊല്ലി. വേടനൽപ്പം
കഞ്ചാവാണേലും കല
കറുത്തതാണല്ലോ എന്നു
മന്ത്രി മറുകണ്ടം ചാടി.

"വയനാടൻ മുടികെട്ടി
പുലിനഖമാലയിട്ട്
കാടുനിന്നു പാടുന്നുണ്ട്
വേടൻ നിന്നു കത്തുന്നുണ്ട്

ഇപ്പഴും.

ഗുണപാഠം വഴികാട്ടിപ്പലക വഴി ചൂണ്ടിത്തരും. പക്ഷേ ആ വഴി നടക്കില്ല വേടനായാലും, നാടനായാലും എന്നോർത്താൽ എല്ലാർക്കും നല്ലത്. "കഞ്ചാവും, കലയും പരസ്പരപൂരകങ്ങളോ? ഗവേഷണം പോരട്ടെ, ഡോക്ടറേറ്റു പോരട്ടെ.