സർക്കാര് കാര്യം മൊറ പോലെ

സാമൂഹ്യ ബോധമുള്ള കൂട്ടത്തിലാണിയാൾ. ജേർണലിസത്തിൽ ഡിപ്ലോമ നേടിയ അന്തോണി പ്രശസ്തമായ ഇംഗ്ലീഷ് പത്രങ്ങളിൽ സാമൂഹ്യ പ്രതിബദ്ധയുള്ള ലേഖനങ്ങളെഴുതി ജനശ്രദ്ധ നേടി!

- വി.ആർ. ഹർഷൻ 9845182814

വളരെ കൊല്ലങ്ങൾക്കു മുമ്പുണ്ടായ ഒരു സംഭവമാണ്. മെട്രിക്കുലേഷൻ പാസ്സായി, കൊട്ടലും, കോറലും പഠിച്ച് തൊഴിൽ തേടി ബോംബെയിലെത്തിയ മലയാളത്താനാണ് ആന്റണിയെന്ന അന്തോണി. കൊച്ചിക്കാരൻ. നഗരത്തിലെത്തി ഏറെ താമസിയാതെ കഥാപുരുഷന് സർക്കാർ ലാവണത്തിൽ ജോലി കിട്ടി. മേല്പടിയാൻ നല്ല വായനക്കാരനാണ്. ആഴത്തിൽ ചിന്തിക്കുന്നവനും. സാമൂഹ്യ ബോധമുള്ള കൂട്ടത്തിലാണിയാൾ. ജേർണലിസത്തിൽ ഡിപ്ലോമ നേടിയ അന്തോണി പ്രശസ്തമായ ഇംഗ്ലീഷ് പത്രങ്ങളിൽ സാമൂഹ്യ പ്രതിബദ്ധയുള്ള ലേഖനങ്ങളെഴുതി ജനശ്രദ്ധ നേടി!

ഒരു പ്രഭാതത്തിൽ മേല്പടിയാന്റെ വാടകവീടിനു മുന്നിൽ ഒരു പോലീസാൻ വന്ന് ബ്രെയ്ക്കിട്ടു. ശകടത്തിൽ നിന്ന് കൊമ്പൻമീശയും, ദേഹം മുഴുവൻ കരടിയുടെ പോലെ രോമവുമുള്ള ഒരു ഏമാനും നാലഞ്ച് പോലീസുകാരും ചാടിയിറങ്ങി.

"ആന്റണിയുടെ വീടേതാ..'ഏമാൻ അടുത്തു കണ്ട ഒരുവനോട് തിരക്കി.

"സംഗതിയെന്താ?' അയാളുടെ മറുചോദ്യം. ഏമാന് അതൊട്ടും രസിച്ചില്ല.