ബഫർ സോണിൽ തട്ടുകട അന്തപ്പൻ

 സർവ്വം ശുഭം...!

- അജി അത്തിമൺ

പാരമ്പര്യമായി അന്തപ്പൻ എത്തിച്ചേർന്നതാണ് തട്ടുകട മുതലാളി പോസ്റ്റിൽ! അപ്പനപ്പൂപ്പന്മാരായി കൈകാര്യം ചെയ്തുവന്ന 22 കാരറ്റുള്ള തട്ടുകട എപ്പോഴും ഒരു പണത്തൂക്കം മുന്നിൽ തന്നെ.

പണ്ട് ബോണ്ടയും അച്ചപ്പവുമായി രുന്നെങ്കിൽ ഇന്ന് എല്ലാവിധ എണ്ണ പലഹാരങ്ങൾക്കുമൊപ്പം ബിരിയാണിയും ചിക്കൻ വറുത്തതും സ്പെഷ്യാലിറ്റിയാണ്.

നിറഞ്ഞ ചിരിയോടെയാണ് കസ്റ്റമേഴ്സിന്റെ കയ്യിലേക്ക് അന്തപ്പൻ മുതലാളി ഡിലീഷ്യസ് ഫുഡ് സെർവ് ചെയ്യുന്നത്.

ചിരി തിരിച്ചുനൽകി പണവും കൊടുത്ത് ഓരോരുത്തരും ഏമ്പക്കം വിട്ട് സസന്തോഷം പിരിയുകയാണ് പതിവ്.

ഒരു വെള്ളിയാഴ്ച ദിവസം വൈകിട്ട് നാല് മണിയോടെയാണ് മൂന്ന് സിംപ്ലൻമാർ കടയിലേക്ക് എത്തിച്ചേർന്നത്.

ചിക്കൻ ഫ്രൈ, പൊറോട്ട, പരിപ്പു വട എന്നിവയ്ക്ക് ഓർഡർ കൊടുത്ത ഉടൻതന്നെ വായിൽ കൊള്ളാത്ത ചിരിയോടെ സാധനം പ്ലേറ്റിലാക്കി അന്തപ്പ നീട്ടി.

ഓരോന്ന് കഴിക്കുന്നതിനൊപ്പം വി.ഐ.പികളുടെ മുഖം പാവയ്ക്ക ചതച്ചത് മാതിരി വിവർണ്ണമാകുന്നത് അനുപ്പൻ ഭീതിയോടെ ഒബ്സെർവ് ചെയ്ത് "ഇത് ഏത് എണ്ണയിലാണ് പാകപ്പെടുത്തിയത്?' ഷർട്ട് പാന്റിനുള്ളിൽ ഉറപ്പിച്ച കപ്പടാമീശക്കാരൻ ഇടിവെട്ടും കണക്കെ ചോദിച്ചു.