"ഈ സെബിയുടെ ഒരു കാര്യം

നഷ്ടമുണ്ടാക്കുന്ന കളിക്കാരുടെ നഷ്ടത്തിന്റെ വലിയൊരു ശതമാനവും ട്രാൻസാക്ഷണൽ കോസ്റ്റാണ്.

- കെ.കെ.ജയകുമാർ

“അല്ല ഇവരൊക്കെ എന്നെക്കുറിച്ച് എന്താണ് കരുതിയിരിക്കുന്നത്. ഞാനെന്താ കൊച്ചുകുട്ടി ആണെന്നാണോ. ഒരു പൊതുമേഖലാ സ്ഥാപനത്തിലെ എച്ച്ഒഡിയാണ്,' അതിരാവിലെ സുഹൃത്ത് ഫോണിൽ വിളിച്ചുണർത്തി എന്നോടു ധാർമികരോഷം തീർക്കുകയാണ്.

ഞാൻ കാര്യം തിരക്കി. പുള്ളി ഒരു അപകടത്തെത്തുടർന്ന് ലീവിലാണ്. ആ മൂന്നു മാസം ഓഹരി ട്രേഡ് ചെയ്ത പത്ത് കാശുണ്ടാക്കാനാണ് തീരുമാനം. ഇതിനായി പ്രശസ്തമായ ഒരു ആപ് ഇൻസ്റ്റാൾ ചെയ്തു ഫ്യൂച്ചേഴ്സ് ആൻഡ് ഓപ്ഷൻസിൽ കളിക്കാൻ തുടങ്ങിയപ്പോൾ വന്ന കുറെ ചോദ്യങ്ങളും പ്രോംപ്റ്റുകളുമാണ് അദ്ദേഹത്തെ കോപാകുലനാക്കിയത്.