പഴയ വയറിങ് പൂർണമായി മാറേണ്ടതുണ്ടോ?

കൃത്യമായ മെയിന്റനൻസ് ഉണ്ടെങ്കിൽ വയറിങ് ദീർഘകാലം നിലനിൽക്കും. പൂർണമായി മാറേണ്ട ആവശ്യമില്ല.

- ജയകുമാർ നായർ ഡയറക്ടർ, സനർജി ഫൗണ്ടേഷൻ, കോട്ടയം [e-mail]

വീടിന്റെ വയറിങ് ചെയ്ത് 15-20 വർഷമായി. ഇത് മാറേണ്ടതുണ്ടോ? എത്ര വർഷമാണ് വയറിങ്ങിന്റെ ആയുസ്സ്? എപ്പോഴാണ് വയറിങ് മാറേണ്ടത്? തുടങ്ങിയ സംശയങ്ങൾ പലരും പലപ്പോഴും ചോദിക്കാറുണ്ട്. വയറിങ്ങിന്റെ ആയുസ്സ് എത്രയാണ് എന്നതിന് കൃത്യമായ മറുപടി ഇല്ല എന്നതാണ് സത്യം.

പഴയ വയറിന്റെ ഇൻസുലേഷൻ നിലവാരം വളരെ നല്ലതാണ്. ഇപ്പോഴുള്ളതിനേക്കാൾ നല്ലതാകാനുള്ള സാധ്യതയുമുണ്ട്. അത്തരത്തിൽ ഗുണമേന്മയുള്ള വയറിങ് 50-70 വർഷം വരെ നന്നായി പ്രവർത്തിക്കുന്നത് കാണാറുണ്ട്. അങ്ങനെയുള്ളപ്പോൾ കാലാധിക്യം കാരണം വയ റിങ് മാറേണ്ടതുണ്ടോ എന്നാലോചിക്കണം. പ്രത്യേകിച്ച് ഇപ്പോഴത്തെ മാറിയ സാഹചര്യത്തിൽ. പഴയ ലോഡുമായി താരതമ്യം ചെയ്യുമ്പോൾ പണ്ട് വീട്ടിലുള്ള ഇലക്ട്രിക്/ഇലക്ട്രോണിക് ഉപകരണങ്ങളല്ല നമ്മൾ ഇന്ന് ഉപയോഗിക്കുന്നത്. അതുകൊണ്ട് ലോഡിൽ വ്യത്യാസങ്ങളുണ്ടാകും. എന്നിരുന്നാലും ഇലക്ട്രിക് വയറിന്റെ ആയുസ്സ് മൂന്ന് ഘടകങ്ങളെ ആശ്രയിച്ചാണിരിക്കുന്നത്.

1. ഇൻസുലേഷന്റെ ഗുണനിലവാരം ഇതിൽ വയറിങ്ങിന്റെയും മെറ്റീരിയലിന്റെയും മേന്മ പ്രധാനമാണ്. എത നല്ല കോപ്പർ ആണ് ഉപയോഗിച്ചിരിക്കുന്നത് എന്നതും ശ്രദ്ധിക്കണം. പഴയ വയറിങ്ങിൽ അലുമിനിയം ആണ്. ഇപ്പോഴുള്ളതിലാണ് കോപ്പർ ഉപയോഗിക്കുന്ന ത്. കോപ്പർ ഉപയോഗിക്കുന്നതാണ് നല്ലത്. ക്ഷമത കൂടുതൽ കോപ്പറിനാണ്. സ്വിച്ചിന്റെ ഗുണനിലവാരവും വയറിങ് സുരക്ഷിതമാക്കാനുള്ള സംവിധാനത്തിന്റെ ഗുണനിലവാരവും പ്രധാനമാണ്.

2. വീടിരിക്കുന്ന പരിസ്ഥിതി

ഇതും വയറിങ്ങിന്റെ ആയുസ്സിനെ സ്വാധീനിക്കുന്ന ഘടകമാണ്. കടലിന്റെ തീരം, മലമ്പ്രദേശങ്ങൾ, ചൂടോ തണുപ്പോ കൂടിയ സ്ഥലങ്ങൾ എന്നീ ഘടകങ്ങൾ സ്വിച്ചിന്റെയും വയറിന്റെയും പ്രവർത്തനത്തെയും നിലവാരത്തെയും ബാധിക്കും. കൃത്യമായ പരിശോധനകൾ നടത്തി ആവശ്യമായ തിരുത്തൽ രീതികൾ എടുത്താൽ പരിസ്ഥിതി മൂലമുള്ള സ്വാധീനം കുറയ്ക്കാം.

3. കൃത്യമായ മെയിന്റനൻസ്