കൊള്ളാമല്ലോ കോലരക്ക്

സംസ്ഥാനത്ത് പരീക്ഷണകൃഷി വിജയം

- 9942627426 (ഡോ. മുത്തുകുമാർ)

മഹാഭാരതത്തിലെ അരക്കില്ലത്തിന്റെ കഥ കേൾക്കാത്ത വായ യുധിഷ്ഠിരനും സഹോദരങ്ങൾക്കും മാതാവായ കുന്തിക്കും വേണ്ടി ദുര്യോധനന്റെ നിർബന്ധപ്രകാരം ധൃതരാഷ്ട്രർ വാരണാവതത്തിൽ പണിത കൊട്ടാരമാണ് അരക്കില്ലം. സംശയം തോന്നാത്തവിധം പാണ്ഡവരെ ദഹിപ്പിച്ചു കൊല്ലാൻ കുടിലബുദ്ധിയായ ദുര്യാധനൻ തീർത്ത കെണി. എളുപ്പം കത്തുന്ന അരക്കും നെയ്യുമെല്ലാം ഒളിപ്പിച്ചു ചേർത്തു നിർമിച്ച കൊട്ടാരം മുൻപ് ഉത്തർപ്ര ദേശിന്റെ ഭാഗമായിരുന്ന ഇന്നത്തെ ഉത്തരാഖണ്ഡ് സംസ്ഥാനത്തായിരു ന്നു എന്നാണു നിഗമനം. ഏതായാലും രാജ്യത്ത് പണ്ടും ഇന്നും കോലരക്ക് ഉൽപാദനം നടക്കുന്നത് ഉത്തർപ്രദേശിലും മധ്യപ്രദേശിലും ജാർഖണ്ഡിലും ഛത്തീസ്ഗഡിലുമൊക്കെത്തന്നെ. പ്രകൃതിദത്ത പശകളുടെ ഉൽപാദ നത്തിലും കയറ്റുമതിയിലും മുൻനിരയിൽ നിൽക്കുന്ന രാജ്യമാണ് ഇന്ത്യ. അക്കൂട്ടത്തിൽ കോലരക്കുമുണ്ട്.