നഗരത്തിലോടാൻ ജോയ്

ലൈസൻസ് വേണ്ട, റജിസ്ട്രേഷനും വേണ്ട. ചെറിയ യാത്രകൾക്കു ജോയ്

- Praveen

ഡൽഹി ഓട്ടോ എക്സ്പോയിൽ ജോയ് ബൈക്കുകളുടെ നിരയുണ്ടായിരുന്നു പിന്നീട്  കേരളത്തിലെ ഏറ്റവും വലിയ വാഹന എക്സ്പോ ആയ മനോരമ ഓട്ടോ വേൾഡ് എക്സ്പോയിലും ജോയ് ബൈക്കുകൾ സാന്നിധ്യമറിയിച്ചു. ഗുജറാത്തിലെ വാർഡ് വിസാർഡ് കമ്പനിയുടേതാണ് ബൈക്കുകൾ. അതിൽ നെക്സ്റ്റ് ജെൻ നാനു എന്ന ഇലക്ട്രിക്ക്  സ്കൂട്ടറാണു നമ്മൾ പരിക്ഷിക്കുന്നത്. റജിസ്റ്റർ ചെയ്യേണ്ട ഓടിക്കാൻ ലൈസൻസ് വേണ്ട.,ജോയ്ഫുൾ എക്സ്പീരിയൻസ്.

രൂപകൽപന

ഇരട്ട കണ്ണുകളും എൽഇഡി സ്ട്രിപ്പുകളും ബോഡിയിൽ. ഇൻഡിക്കേറ്റർ ഹാൻഡിൽ ബാറിനോടു ചേർന്ന്, ബിൽഡ് ക്വാളിറ്റി സൂപ്പർ അല്ല, എന്നാൽ വലിയ കുറ്റം പറയാനുമില്ല. സീറ്റിന് നല്ല നീളമുണ്ട്. രണ്ടുപേർക്കു സുഖമായി ഇരിക്കാം. എന്നാൽ വീതി കുറവാണ്. ബാക്ക് റെസ്റ്റ് പില്യൺ റൈഡർക്ക് സുഖകരമായ ഇരിപ്പു നൽകും. പക്ഷേ, പിന്നിലിരിക്കുന്നയാൾക്കു സുഖകരമായി കാൽ വയ്ക്കാനുള്ള വീതി ബോഡിയോടു ചേർന്ന (ഇന്റഗ്രേറ്റഡ്) ഫുട് റെസ്റ്റിന് ഇല്ല.

അളവുകൾ മനസ്സിലാക്കാനായി, ഒരേ വിഭാഗമല്ലെങ്കിലും ആക്ടീവ 6 ജിയോടു താരതമ്യം ചെയ്യാം. കയറിയാൽ യാത്രയ്ക്കു കുറച്ചുകൂടി സ്റ്റെബിലിറ്റി കിട്ടും. 140 കിഗ്രാം ഭാരം കയറ്റാം.