The Perfect Holiday Gift Gift Now

ഓണത്തുമ്പി പാടൂ ഓരോ രാഗം നീ

Vanitha

August 17, 2024

ക്യാംപസിലെ ഓണാഘോഷത്തിനുള്ള ഒരുക്കത്തിലാണു പ്രിയതാരം മീനാക്ഷിയും കൂട്ടുകാരികളും. കോട്ടയം മണർകാട് സെന്റ് മേരീസ് കോളജിൽ നിന്നൊരു ഓണം ചാറ്റ്

- അഞ്ജലി അനിൽകുമാർ

മണർകാട് സെന്റ് മേരീസ് കോളജിന്റെ ഗേറ്റ് കടന്നപ്പോൾ വരവേറ്റത് "പൂ വിളി പൂവിളി പൊന്നോണമായി...' എന്ന ഓണപ്പാട്ടാണ്. പാട്ടിനൊപ്പം തിരുവാതിരകളി പ്രാക്ടീസിന്റെ താളമേളങ്ങൾ.

ഓണാഘോഷം പൊടിപൊടിക്കാൻ ക്യാംപസ് ഒരുങ്ങിക്കഴിഞ്ഞു. പുതിയ ബാച്ചുകളിലെ വിദ്യാർഥികളാണ് ഉത്സാഹക്കമ്മിറ്റിയിൽ ഒരുപടി മുന്നിൽ.

എല്ലാ ഡിപാർട്മെന്റിലും ഒരുക്കങ്ങൾ തകൃതിയായി നടക്കുന്നു. കുട്ടികൾക്കൊപ്പംപ്രിൻസിപ്പൽ സനീജ് എം. സാലുവും അധ്യാ പകരും അനധ്യാപകരും റെഡി.

ക്യാംപസിലെ മരച്ചുവട്ടിൽ മീനാക്ഷിയും കൂട്ടുകാരികളും വലിയ ചർച്ചയിലാണ്. “എല്ലാ കുട്ടികളെയും പോലെ ഒരുപാട് പ്ലാനുകൾ ഞങ്ങൾക്കുമുണ്ട്. എനിക്ക് ഇതൊക്കെ ആദ്യത്തെ അനുഭവമാണ്. അതുകൊണ്ടുതന്നെ വളരെ എക്സൈറ്റഡ് ആണ്.

ആദ്യ കോളജ് ഓണത്തിന്റെ തിൽ മീനാക്ഷിയുടെ ചിരിയിലും വാക്കുകളിലും നിറഞ്ഞു. കോളജ് ഓണത്തിനുള്ള തയാറെടുപ്പുകൾക്കിടയിൽ വീട്ടോണവും സിനിമാ വിശേഷങ്ങളും പങ്കു വയ്ക്കുകയാണു മീനാക്ഷിയും കൂട്ടുകാരും.

ഓണമെന്നും വീട്ടിൽ തന്നെ

ഐ. വിസ്മയ : മീനാക്ഷിയുടെ ഓണം സിനിമ ലൊക്കേഷനുകളിലായിരുന്നോ?

മീനാക്ഷി: ഇല്ലാട്ടോ. ഇതുവരെയും ലൊക്കേഷനിൽ ഓണം ആഘോഷിച്ചിട്ടില്ല. എവിടെയാണെങ്കിലും ഓണത്തിന് എല്ലാവരും തറവാട്ടിലുണ്ടാകണം എന്ന് അച്ചാച്ഛനു നിർബന്ധമാണ്. അതിൽ നോ കോംപ്രമൈസ്, സദ്യ ഒരുക്കുന്നതൊക്കെ തറവാട്ടിലാണ്. എല്ലാവരും ഒത്തുചേർന്നാൽ പിന്നെ, ഓണം വൈബാണ്.

അനിയന്മാർക്കു ഞാൻ ഓണക്കോടി കൊടുക്കും. ബാക്കി എല്ലാവരും എനിക്കു തരണം. മുതിർന്നവർക്കു കൊടുക്കാറില്ല. ആരേലും ചോദിച്ചാൽ, "അയ്യോ, അങ്ങനെ കൊടുത്താൽ ദോഷം കിട്ടും' എന്നു പറഞ്ഞു മുങ്ങും.

വിസ്മയ : മുതിർന്നവർക്കു കൊടുക്കാറില്ലല്ലോ?

മീനാക്ഷി : എനിക്കറിയില്ല. ചുമ്മാ നമ്പറിട്ടതല്ലേ. കൃഷ്ണ യുപിയിൽ ഓണം ആഘോഷിച്ച കഥ പറഞ്ഞല്ലോ?

കൃഷ്ണ ജയകുമാർ : അച്ഛന് ഉത്തർ പ്രദേശിലായിരുന്നു ജോലി. ഞങ്ങൾ കുടുംബത്തോടെ അവിടെയായിരുന്നു. നാട്ടിലെ പോലെ വിശാലമായ ഓണാഘോഷമൊന്നുമില്ല അവിടെ. ഓണത്തിന് അച്ഛന്റെ സുഹൃത്തുക്കളെ വീട്ടിലേക്കു ക്ഷണിക്കും. ആ ഒത്തുകൂടലുകൾ നല്ല രസമായിരുന്നു. ഞങ്ങൾ കുട്ടികൾ കളിക്കാനായി ഓടും. ഉച്ചയ്ക്ക് ഇലയിട്ടാണു സദ്യ. സ്പൂൺ ഉപയോഗിച്ചു കഴിക്കുന്നതാണ് അവരുടെ ശീലം. എങ്കിലും സദ്യ കൈകൊണ്ടു കഴിക്കാൻ അവർ ശ്രമിക്കും. 14 വയസ്സുവരെയുള്ള എന്റെ ഓണം അവിടെയായിരുന്നു.