டைட்டானிக்...மர்மங்கள்!

ஒரு வாரத்துக்கு முன்பு, வடக்கு அட்லான்டிக் பெருங்கடலின் ஆழத்தில் ஒரு சோகமான சம்பவம் நிகழ்ந்தது. டைட்டன் என்று பெயரிடப்பட்ட ஆழ்கடல் நீர்மூழ்கி சுற்றுலா வாகனம், 5 பேரை ஏற்றிக் கொண்டு, பழைய டைட்டானிக் கப்பலின் இடிபாடுகளை காட்டுவதற்காக சென்று கொண்டிருந்தது. அப்போது தான் அந்த சோகம் நிகழ்ந்திருக்கிறது

- நெல்லை பரிதி

கடந்த 1912ல் அட்லாண்டிக் பெருங்கடலில் பயணம் செய்த டைட்டானிக் கப்பல், மூழ்கிய பகுதியை பார்வையிடுவதற்கும் டைட்டானிக் கப்பலின் சிதிலமடைந்த பகுதிகளை பாதுகாப்பதற்கும் சமீபத்தில் மூழ்கிய டைட்டானிக் நீர்மூழ்கியின் உரிமையாளரான ஓஷன்கேட் எனும் நிறுவனத்திற்கு உரிமம் அளிக்கப்பட்டிக்கிறது.

அந்நிறுவனத்தின் சார்பாக அவ்வபோது சாகசவீரர்கள் டைட்டானிக் கப்பலின் சிதிலமடைந்த பகுதிகளை பார்வையிட்டும் ஆய்வு மேற்கொண்டு வருகின்றனர்.

அந்த வகையில் தான் ஓசன் கேட் நிறுவனத்தின் தலைமை நிர்வாக அதிகாரி ஸ்டாக்டன் ரஷ், பாகிஸ்தான் தொழில் அதிபர் ஷாஜதா தாவூத் மற்றும் அவரது மகன் சுலைமான் தாவூத், பிரிட்டிஷ் சாகச வீரர் ஹமிஷ் ஹார்டிங் மற்றும் பிரெஞ்சு ஆழ்கடல் ஆய்வாளர் பால் ஹென்றி நர்ஜோலெட் ஆகியோர் டைட்டன் நீர்மூழ்கி கப்பலில் பயணம் செய்தனர்.