மகளிருக்கானது திமுக அரசு

பல்லடம் மாநாட்டில் முதல்வர் மு.க. ஸ்டாலின்

- 

திமுக அரசு மகளிருக்கானது என்று முதல்வர் மு.க. ஸ்டாலின் பேசினார்.

திருப்பூர் மாவட்டம், பல்லடம் அருகே உள்ள காரணம்பேட்டையில் 'வெல்லும் தமிழ்ப் பெண்கள்' என்ற தலைப்பில் திமுக மேற்கு மண்டல மகளிரணி மாநாடு திங்கள்கிழமை நடைபெற்றது.

இதில் முதல்வர் மு.க.ஸ்டாலின் பேசியதாவது: இந்த மாநாட்டில் கூடியிருப்பதுபோன்று லட்சக்கணக்கான பெண்கள் ஒரே இடத்தில் கூடியதாக வரலாறே இருக்காது. மகளிர் சக்தியால் திமுக மீண்டும் ஆட்சிக்கு வரப்போவது இதன்மூலம் உறுதியாகி இருக்கிறது.

திமுகவின் தேர்தல் அறிக்கைதான் 'நாயகன்'. அந்த 'நாயகனை' தயாரிக்கும் பொறுப்பை கனிமொழி எம்.பி. ஏற்றிருக்கிறார். கடந்த மக்களவைத் தேர்தலின்போது தேர்தல் அறிக்கையை அவர்தான் தயாரித்தார். அந்தத் தேர்தலில் திமுக மாபெரும் வெற்றி பெற்றது. அதேபோன்று 2026 பேரவைத் தேர்தலிலும் மாபெரும் வெற்றி பெறுவோம்.

பெண்களின் முன்னேற்றமே நாட்டின் முன்னேற்றம்: பெண்களின் வெற்றியே சமூகத்தின் வெற்றி. தொடக்கத்தில் இருந்தே திராவிட இயக்கத்தில் பெண்கள் முக்கியப் பங்கு வகித்திருக்கிறார்கள். பெண்களின் கல்வி உரிமை, சம உரிமைக்குப் போராடி இருக்கிறோம். அதனால்தான் இன்றைக்கு இவ்வளவு முன்னேறி வந்திருக்கிறோம். இதற்கு நாம் ஏற்படுத்திய விழிப்புணர்வுதான் காரணம்.

உள்ளாட்சியில் கிடைத்திருக்கும் அதிகாரம் மக்களவையிலும், சட்டப்பேரவையிலும் கிடைக்க வேண்டும். அதுதான் திமுகவின் லட்சியம்.

மகளிர் அதிகாரத்தை பாஜக விரும்பவில்லை: