பாட்லா ஹவுஸ் ஆக்கிரமிப்புகளை இடிக்க தடை கோரும் மனுக்கள் மீதான உத்தரவு ஒத்திவைப்பு

தில்லி பாட்லா ஹவுஸ் பகுதி ஆக்கிரமிப்புகளை இடிக்கத் தடை கோரிய மனுக்கள் மீதான உத்தரவை தில்லி உயர்நீதிமன்றம் திங்கள்கிழமை தேதி குறிப்பிடாமல் ஒத்திவைத்தது.

- நமது சிறப்பு நிருபர்

நமது சிறப்பு நிருபர் புது தில்லி, ஜூன் 16:

இது தொடர்பாக ஆம் ஆத்மி எம்எல்ஏ அமானத்துல்லா கான் பொது நல வழக்கு தொடர்ந்திருந்தார். அதை ஜூன் 11-ஆம் தேதி விசாரித்த உயர்நீதிமன்றம், இந்த வழக்கில் பொதுவாக ஒரு தடை உத்தரவைக் கோருவது இதே விவகாரத்தில் வழக்காடி வரும் தனிநபர்களின் நோக்கத்தை பாதிக்கச் செய்யும் என்று குறிப்பிட்டது.

முன்னதாக, காஸ்ரா 279 என்ற பகுதியில் அங்கீகாரமற்ற இரு கட்டுமானங்கள் உள்பட 11 இடங்களை இடிக்க வேண்டும் என்று தில்லி வளர்ச்சி ஆணையத்துக்கு (டிடிஏ) உச்சநீதிமன்றம் கடந்த மே 7-ஆம் தேதி உத்தரவிட்டது. சர்ச்சைக்குரிய அந்த நிலம் ஓக்லா கிராமத்தின் முராரி சாலையையொட்டி சுமார் 0.702 ஹெக்டேரில் அமைந்துள்ளது.