இந்திய-சீன உறவில் புதிய சிக்கல்கள் கூடாது

சீன பாதுகாப்பு அமைச்சரிடம் ராஜ்நாத் சிங்

- 

இந்திய-சீன உறவில் நேர்மறையான உத்வேகத்தை பராமரிப்பதுடன், புதிய சிக்கல்கள் எழாமல் தவிர்ப்பது இரு தரப்பின் பொறுப்பு என்று பாதுகாப்புத் துறை அமைச்சர் ராஜ்நாத் சிங் தெரிவித்தார்.

சீன பாதுகாப்புத் துறை அமைச்சர் அட்மிரல் டோங் ஜுன் உடனான சந்திப்பில் அவர் இவ்வாறு வலியுறுத்தினார்.

இந்தியா, சீனா, ரஷியா, பெலாரஸ், பாகிஸ்தான், உஸ்பெகிஸ்தான், தஜிகிஸ்தான் உள்ளிட்ட நாடுகள் அங்கம் வகிக்கும் ஷாங்காய் ஒத்துழைப்பு அமைப்பின் (எஸ்சிஓ) பாதுகாப்பு அமைச்சர்கள் மாநாடு, சீனாவின் துறைமுக நகரான கிங்டாவோவில் வியாழக்கிழமை நடைபெற்றது. இதில் பாதுகாப்புத் துறை அமைச்சர் ராஜ்நாத் சிங் பங்கேற்று, இந்தியாவின் கருத்துகளை முன்வைத்தார்.

மாநாட்டையொட்டி, சீன பாதுகாப்புத் துறை அமைச்சர் அட்மிரல் டோங் ஜுன்னை சந்தித்த அவர், இருதரப்பு பேச்சுவார்த்தையில் ஈடுபட்டார்.