அரசமைப்புச் சட்டத்தை ஆர்எஸ்எஸ் ஏற்றுக் கொண்டதே இல்லை

அரசமைப்புச் சட்ட முகவுரையில் இடம்பெற்றுள்ள 'சோஷலிஸ்ட்', 'மதச்சார்பற்ற' என்ற வார்த்தைகளை மறுபரிசீலனை செய்ய ஆர்எஸ்எஸ் அமைப்பு விடுத்துள்ள அழைப்பு அரசமைப்புச் சட்டத்தின் ஆன்மா மீதான தாக்குதல் என்று காங்கிரஸ் வெள்ளிக்கிழமை சாடியது.

- 

கடந்த 1975, ஜூன் 25-இல் அப்போதைய பிரதமர் இந்திரா காந்தியால் அவசரநிலை அமல்படுத்தப்பட்ட தினம், அரசமைப்பு படுகொலை தினமாக மத்திய அரசால் புதன்கிழமை அனுசரிக்கப்பட்டது.

இதையொட்டி தனது எக்ஸ் பக்கத்தில் பதிவிட்ட பிரதமர் நரேந்திர மோடி, 'இந்திய ஜனநாயக வரலாற்றில் இருண்ட அத்தியாயங்களில் ஒன்று அவசரநிலை; அந்த காலகட்டத்தில், அரசமைப்புச் சட்ட ஆன்மா மீறப்பட்ட விதத்தை இந்தியர்கள் ஒருபோதும் மறக்க மாட்டார்கள்' என்று குறிப்பிட்டார்.

அவசரநிலை தினம் தொடர்பாக ஆர்எஸ்எஸ் அமைப்பு சார்பில் வியாழக்கிழமை ஏற்பாடு செய்யப்பட்ட நிகழ்வில் பேசிய அதன் பொதுச் செயலர் தத்தாத்ரேய ஹொசபாலே, 'அம்பேத்கர் எழுதிய அரசமைப்புச் சட்டவரைவின் முகவுரையில் 'சோஷலிஸ்ட்', 'மதச்சார்பற்ற' என்ற வார்த்தைகள் இடம்பெறவில்லை.