“ബാലൻസ്ഡ് ഫണ്ടിലെ എസ്ഡപി റിട്ടയർമെന്റിന് ബെസ്റ്റ്

മ്യൂച്വൽ ഫണ്ടിലെ അവസരങ്ങളെക്കുറിച്ചും ഐഡിബിഐ എഎംസിയുമായുള്ള ലയനത്തെക്കുറിച്ചും എൽഐസി അസെറ്റ് മാനേജ്മെന്റ് കമ്പനിയുടെ മാനേജിങ് ഡയറക്ടറും ചീഫ് എക്സിക്യൂട്ടിവ് ഓഫിസറുമായ ടി.എസ്. രാമകൃഷ്ണൻ സംസാരിക്കുന്നു.

- 

ഓഹരിയുടെ ഉയർന്ന നേട്ടവും ഡെറ്റിന്റെ സുരക്ഷയും ഒത്തുചേർന്ന ബാലൻസ്ഡ് ഫണ്ട് റിട്ടയർമെന്റ് നിക്ഷേപത്തിനു മികച്ചതാണ്. അത്തരം ഫണ്ടിൽ സിസ്റ്റമാറ്റിക് വിഡോവൽ പ്ലാൻ (എസ്ഡബ്ല്യുപി) എന്ന അവസരം ഉപയോഗപ്പെടുത്തിയാൽ മാസം തോറും നിശ്ചിത തുക ഉറപ്പാക്കാനും സാധിക്കും പറയുന്നത് എൽഐസി അസെറ്റ് മാനേജ്മെന്റ് കമ്പനിയുടെ മാനേജിങ് ഡയറക്ടറും ചീഫ് എക്സിക്യൂട്ടീവ് ഓഫിസറുമായ ടിഎസ് രാമകൃഷ്ണൻ, മ്യൂച്വൽ ഫണ്ടിലെ അവസരങ്ങളെക്കുറിച്ചും എൽഐസി മ്യൂച്വൽ ഫണ്ട് ഐഡിബിഐ എഎംസിയെ ഏറ്റെടുത്തതിനെക്കുറിച്ചും സംസാരിക്കുകയാണ് അദ്ദേഹം.

റിട്ടയർ ചെയ്തവർക്ക് മികച്ച മാസ വരുമാനം നേടാൻ മ്യൂച്വൽ ഫണ്ടിൽ അവസരമുണ്ടോ?

തീർച്ചയായും. നിശ്ചിത തുക മാസവരുമാനം ലഭിക്കാൻ എസ്ഡബ്ല്യുപി ഓപ്ഷൻ തിരഞ്ഞെടുക്കാം. നിക്ഷേപം ബാലൻസ്ഡ് ഫണ്ടിൽ ആണെങ്കിൽ നഷ്ടം സംഭവിക്കാനുള്ള സാധ്യത കുറവാണ്.അതേസമയം അത്യാവശ്യം ന്യായമായ റിട്ടേണും കിട്ടും. ആദായനികുതി കൂടി പരിഗണിക്കുമ്പോൾ സ്ഥിരനിക്ഷേപത്തെ അപേക്ഷിച്ച് ലാഭമാണ്.മാത്രമല്ല, ഒരു വർഷം ഒരു ലക്ഷം രൂപ വരെയുള്ള ലാഭത്തിന് ആദായനികുതി നൽകേണ്ടതുമില്ല.