അരങ്ങും വെള്ളിത്തിരയും ലിയോണയും

സിനിമയ്ക്കൊപ്പം നാടകവേദിയിലും സജീവമായ ലിയോണ, മനസുതുറക്കുന്നു.

- നിഷിമ

മലയാള സിനിമയിൽ തന്റെ സാന്നിധ്യം സാവധാനത്തിൽ, അതേ സമയം ഉറപ്പോടെ രേഖപ്പെടുത്തിയ നടിയാണ് ലിയോണ ലിഷോയ്, ആൻമരിയ കലിപ്പിലാണ്, മായാനദി, ഇഷ്ക്, അന്വേഷണം തുടങ്ങിയ സിനിമകളിലൂടെ ശ്രദ്ധേയമായ കഥാപാത്രങ്ങളെ അവതരിപ്പിച്ച ലിയോണ, ഇപ്പോൾ ജീത്തു ജോസഫിന്റെ വലതുവശത്തെ കള്ളനിലും തന്റെ സാന്നിധ്യം രേഖപ്പെടുത്തി. ജീത്തുവിനോടൊപ്പമുള്ള മൂന്നാമത്തെ ചിത്രമെന്ന പ്രത്യേകതയും ഇതിനുണ്ട്.

സിനിമയ്ക്കൊപ്പം നാടകവേദിയിലും സജീവമായ ലിയോണ, മനസുതുറക്കുന്നു.

ജീത്തു ജോസഫിന്റെ കൂടെയുള്ള മൂന്നാമത്തെ സിനിമയാണല്ലോ വലതുവശത്തെ കള്ളൻ?

അതെ. ജീത്തു സാറിന്റെ കൂടെ ആദ്യം ഞാൻ ചെയ്തത് “റാം' എന്ന സിനിമയാണ്. അത് റിലീസ് ആയിട്ടില്ല. കോവിഡിന് തൊട്ടുമുന്നേയാണ് റാം' ൽ ജോയിൻ ചെയ്യുന്നത് . അന്ന് ഭയങ്കര ടെൻഷനായിരുന്നു. വലിയ ഡയറക്ടർ, പിന്നെ ലാലേട്ടനെപ്പോലെ സീനിയർ ആക്ടേഴ്സ് ഉള്ള വലിയ ക്രൂ. അത്രയധികം സീനിയർ ആക്ടേഴ്സിന്റെ കൂടെ ഞാൻ ജോലി ചെയ്തത് ആദ്യമായിട്ടായിരുന്നു. ജീത്തു സാറിന്റെ കൂടെയുള്ള രണ്ടാമത്തെ സിനിമ "12 th മാൻ' ആണ്. അപ്പോഴേക്കും സാറുമായി നല്ല അടുപ്പമായിക്കഴിഞ്ഞിരുന്നു. കുളമാവ് എന്ന സ്ഥലത്തെ ഒരു റിസോർട്ടിൽ ഒരു മാസത്തോളം താമസിച്ചായിരുന്നു ഷൂട്ടിങ്. അത് കോവിഡ് സമയമായിരുന്നു. എല്ലാവരും ഒരു കുടുംബം പോലെ ആയിരുന്നു. "വലതുവശത്തെ കള്ളനി'ലേക്ക് എത്തിയപ്പോഴും ജീത്തു സാർ എന്റെ ഒരു മെൻഡർ - ഗുരുനാഥന്റെ സ്ഥാനത്ത് എത്തി. ഓരോ പ്രോജക്ട് വരുമ്പോഴും സാർ എന്നെ പരിഗണിക്കുന്നു എന്നതിലും സന്തോഷമുണ്ട്. ഇതിൽ ഒരു പൊലീസ് ഉദ്യോഗസ്ഥയുടെ വേഷമാണ്. പൊലീസ് ഓഫിസർ റോൾ ഞാൻ മുൻപ് ചെയ്തിട്ടുണ്ടെങ്കിലും ആദ്യമായിട്ടാണ് പവർ ഇല്ലാത്ത, ഒരു സാധാരണ പൊലീസുകാരിയായിട്ട് അഭിനയിക്കുന്നത്. അതുകൊണ്ടാണ് ഈ റോൾ എനിക്കു വ്യത്യസ്തമായി തോന്നിയത്.

ഇതുവരെയുള്ള ഒരു സിനിമാ യാത്രയെക്കുറിച്ച് പറയാമോ?