ലോറൻസും ഒട്ടകവും കുറെ മനുഷ്യരും

INTERNATIONAL YEAR OF CAMELIDS 2024

- 

ഇതിഹാസങ്ങളെക്കുറിച്ച് കേട്ടു മഹാഭാരതവും ഇലിയഡും ഒഡീ സിയും ഇതിഹാസ കൃതികളാണ്. സാഹിത്യത്തിൽ എന്നത് പോലെ സിനിമയിലും ഇതിഹാസങ്ങൾ ഉണ്ടായിട്ടുണ്ട്. 1962ൽ പുറത്തിറങ്ങിയ ലോറൻസ് ഓഫ് അറേ ബ്യ'യെ ഒരു ഇതിഹാസ സിനിമയായാണ് വിശേഷിപ്പിക്കുന്നത്. അതിന് ഒരുപാട് കാരണങ്ങളുണ്ട്. ബൃഹത്തായ ഇതിഹാസ കൃതികളെയെന്ന പോലെ ഏതാണ്ട് നാല് മണിക്കൂറോളം ദൈർഘ്യമുണ്ട് ഈ സിനിമയ്ക്ക്. ചിത്രത്തിന്റെ ദൈർഘ്യം കൊണ്ടാണ് ഇങ്ങനെ വിശേഷിപ്പിക്കുന്നത് എന്നൊന്നും കരുതരുതേ. ലോകസിനിമയിലെ തന്നെ എക്കാലത്തെയും മികച്ച കലാസൃഷ്ടികളിൽ ഒന്നാണ് ഈ ചിത്രം. ഈ സിനിമയുടെ സാങ്കേതിക മികവും ദൃശ്യഭംഗിയും കഥാപാത്ര പൂർണതയും ഫ്രെയിമുകളുടെ സമ്പന്നതയും ഒക്കെ പരിശോധിച്ചാൽ ഇത് 1962 ൽ പുറത്തിറങ്ങിയ ഒരു സിനിമയാണെന്ന് വിശ്വസിക്കാൻ പ്രയാസം തോന്നും. ഡേവിഡ് ലീൻ സംവിധാനം ചെയ്ത ഈ ചിത്രം സിനിമാ നിർമാണത്തിലെ തന്നെ ഒരു പാഠപുസ്തകമാണ്.