വി ഗാർഡിന്റെ ന്യൂ ഗാർഡ്

മോസ്റ്റ് വാല്യുബിൾ സിഇഒ പുരസ്കാരം നേടിയതിനൊപ്പം ആദ്യ വിവാഹ വാർഷികം ആഘോഷിക്കുന്നു മിഥുനും റീനയും

- രാഖി റാസ്

വി ഗാർഡിനെയും കൊച്ചൗസേപ്പ് ചിറ്റിലപ്പിള്ളിയേയും ഷീല കൊച്ചൗസേപ്പിനെയും അറിയാത്ത മലയാളികളില്ല. എന്നാൽ ഇന്ന് വി ഗാർഡ് ഇൻഡസ്ട്രീസിന്റെ സാരഥ്യം മിഥുൻ ചിറ്റിലപ്പിള്ളിയാണെന്ന് അറിയുന്നവർ വിരളമാണ്.

മിഥുൻ ബിസിനസ് ഏറ്റെടുത്തതോടെ വൻമാറ്റം തന്നെ വി ഗാർഡിന് വന്നു. കേരളത്തിലൊതുങ്ങിയിരുന്ന ബിസിനസ് ദേശീയതലത്തിൽ വളർച്ച നേടി.

ബിസിനസ് വേൾഡ് മാഗസിൻ തിരഞ്ഞെടുത്ത ഇന്ത്യയിലെ ഏറ്റവും മൂല്യമേറിയ ചീഫ് എക്സിക്യൂട്ടീവ് ഓഫിസർമാരിൽ ഒരാളായി മിഥുൻ തിരഞ്ഞെടുക്കപ്പെട്ടു. സാമ്പത്തിക പ്രതികൂലാവസ്ഥയിലും വ്യതിരിക്തമായ ആശയങ്ങളിലൂടെ ബിസിനസിന് ഉയർന്ന മൂല്യവും വളർച്ചയും നേടിക്കൊടുത്തവരെയാണ് മാഗസിൻ "മോസ്റ്റ് വാല്യുവബിൾ സിഇഓസ്' എന്ന അംഗീകാരം നൽകി ആദരിച്ചത്.

തന്റെ വിജയത്തിന്റെ പിന്നിൽ റീനയുമുണ്ടെന്ന് പറയുന്ന മിഥുൻ പുരസ്കാരം ലഭിച്ചതിനൊപ്പം വിവാഹത്തിന്റെ ഒന്നാം വാർഷികവും ആഘോഷിക്കുകയാണ്.

400 സ്ക്വയർ ഫീറ്റ് ഒറ്റമുറിയിൽ തുടങ്ങിവച്ച ബിസി നസ് ഇന്ന് 5000 കോടി ടേണോവറിലേക്ക് അടുക്കുകയാണല്ലോ ?

വി ഗാർഡ് വലിയൊരു കമ്പനിയാണ് എന്ന ധാരണയാണ് എനിക്കുണ്ടായിരുന്നത്. ഞങ്ങൾ കേരളത്തിലെയും ദക്ഷിണേന്ത്യയിലെയും വലിയ സംരംഭകരാണെങ്കിലും ദേശീയ തലത്തിൽ ബിസിനസ് സാമ്രാജ്യങ്ങളുടെ മു ന്നിൽ ഞങ്ങൾ ഒന്നുമല്ല എന്നു മനസ്സിലായത് ഞാൻ ബിസിനസിൽ എത്തിയ ശേഷമാണ്. വൻകിട സംരംഭകരുമായി മത്സരിക്കാൻ പലവിധ പരിമിതികൾ അന്നു വി ഗാർഡിനുണ്ടായിരുന്നു. സ്റ്റെബിലൈസർ, വാട്ടർഹീറ്റർ, പമ്പ്, വയർ എന്നിങ്ങനെ നാല് പ്രോഡക്റ്റുകളായിരുന്നു ഉണ്ടായിരുന്നത്.

കേരളം നല്ലൊരു വിപണി ആയതിനാൽ ഉത്തരേന്ത്യൻ വൻകിട കമ്പനികൾ ഇവിടെ വരികയും വി ഗാർഡിന്റെ വിപണി പിടിക്കുകയും നമ്മുടെ സ്ഥാപനത്തിൽ നിന്ന് ആളുകളെ കൊണ്ടുപോകുകയും ചെയ്യുന്ന പ്രവണതയും അക്കാലത്ത് തുടങ്ങി.

പുതിയ നല്ല ജോലിക്കാരെ കിട്ടണമെങ്കിലും അവരെ നിലനിർത്തണമെങ്കിലും കമ്പനി വലുതാകണമായിരുന്നു.

മിഥുൻ വന്ന ശേഷമാണ് മാറ്റം വരുന്നത്. എന്തെല്ലാം കാര്യങ്ങളാണ് പുതുതായി ചെയ്തത് ?