I am the heroine of MY STORY SANIYA

കരിയർ, ഡാൻസ്, യാത്ര... ആഘോഷങ്ങളും ചിരിയും നിറഞ്ഞുതൂകി ജീവിതത്തിൽ പുതിയ ഊർജവും പുതുതീരുമാനങ്ങളുമായി പറന്നുയരുകയാണു സാനിയ അയ്യപ്പൻ

- രൂപാ ദയാബ്ജി

സിനിമ, ഡാൻസ്, യാത്രകൾ, സെലി സി ബേഷനുകൾ. സാനിയ അയ്യപ്പന്റെ ബക്കറ്റ് ലിസ്റ്റിൽ യൂത്തിന്റെ പുതുചേരുവകൾ എല്ലാമുണ്ട്. ഫിലിപ്പീൻസ് യാത്രയു ടെ ഫോട്ടോസ് ഇൻസ്റ്റഗ്രാമിൽ ഷെയർ ചെയ്തു തീരും മുൻപേ ഇസ്താംബുളിലേക്ക് അടുത്ത യാത്ര പ്ലാൻ ചെയ്തു കഴിഞ്ഞു സാനിയ.

വനിതയുടെ കവർ ഷൂട്ടിനിടയിൽ സ്റ്റൈലിഷായി ഫോട്ടോയ്ക്കു പോസ് ചെയ്യുമ്പോൾ സാനിയയുടെ മുഖത്ത് ആത്മവിശ്വാസവും ധൈര്യവും തിളങ്ങി. സംസാരിക്കാനിരിക്കുമ്പോൾ സാനിയ പറഞ്ഞു, “സിനിമയിലെത്തിയിട്ടു പത്തു വർഷമായി. ഇഷ്ടമുള്ള സിനിമകളാണ് എപ്പോഴും ചെയ്യുന്നത്. രണ്ടു വർഷമായി മലയാളം സിനിമകളൊന്നും കമ്മിറ്റ് ചെയ്തിട്ടില്ല. എംപുരാനാണ് ബക്കിനു ശേഷം റിലീസാകാൻ പോകുന്നത്.''

സിനിമ വിട്ടു പഠിക്കാൻ പോയി എന്നാണു ഗോസിപ് ?

അതിൽ പത്തു ശതമാനമേ സത്യമുള്ളൂ. ഒൻപതാം ക്ലാസ്സിൽ പഠിക്കുമ്പോഴാണു ക്വീനിൽ നായികയാ യത്. പ്രൈവറ്റായി പ്ലസ് പാസ്സായപ്പോൾ മുതൽ വിദേശത്തു പഠിക്കണമെന്ന് ആഗ്രഹമായിരുന്നു. അങ്ങനെ ലണ്ടനിലെ യുസിഎ യൂണിവേഴ്സിറ്റിയിൽ പഠിക്കാൻ ചേർന്നു.

പിന്നെയാണു മനസ്സിലായത് എനിക്കു സിനിമയിൽ നിന്നു ബ്രേക്കെടുത്ത് അങ്ങനെ മാറിനിൽക്കാനാകില്ല എന്ന്. പ്രത്യേകിച്ചും കരിയർ വളർന്നു തുടങ്ങിയ സമയത്ത്. തമിഴിൽ നായികയായ ഇറുകപട് റിലീസായ സമയത്തു പ്രമോഷനു വേണ്ടി നാട്ടിലേക്കു വന്നു. അടുത്ത തമിഴ് പ്രോജക്ട് കമ്മിറ്റ് ചെയ്തു. പിന്നെ മടങ്ങി പോകാനായില്ല.

പെട്ടെന്നു തീരുമാനങ്ങൾ മാറ്റുന്ന ആളാണോ ?

ശരിയെന്നു തോന്നുന്ന കാര്യം, കുറച്ചു വൈകിയാ ണെങ്കിലും തിരുത്താൻ മടിയില്ല. സാധാരണ 22 വയസ്സുള്ള ഒരു പെൺകുട്ടിയുടെ ജീവിതമാണു നയിക്കുന്നതെന്നു തോന്നിയിട്ടില്ല. വളരെ ചെറിയ പ്രായത്തിൽ ജോലി ചെയ്യാൻ തുടങ്ങി. ഡാൻസ് ഷോ ചെയ്താണു തുടക്കം.