സംവിധാനം: ഭർത്താവ് നായിക: ഭാര്യ

'പാൽ ജാൻവറി'ലെ പ്രധാന വേഷത്തിലൂടെ കരിക്കിലെ കൊച്ച് ശ്രുതി സുരേഷ് നായികയാകുമ്പോൾ

- അമ്മു ജൊവാസ്

ബേസിലിന്റെ ജോടി...

പാൽതു ജാൻവർ എന്നു സ്കൂളിൽ പഠിച്ചിട്ടുണ്ടെങ്കിലും ഞാൻ കരുതിയിരുന്നത് പാൽ തരുന്ന ജീവി എന്നായിരുന്നു. പാൽതുവിന്റെ ആലോചന നടക്കുമ്പോൾ മുതൽ സംവിധായകനും അന്ന് എന്റെ ഭാവിവരനുമായ സംഗീതേട്ടന് (സംഗീത് പി. രാജൻ) ഒപ്പം ഞാനുമുണ്ട്. അന്നൊന്നും എനിക്ക് സിനിമയിൽ കഥാപാത്രമുണ്ടാകുമെന്ന് കരുതിയില്ല. ഒരു ദിവസം അസോ. ഡയറക്ടർ രോഹിത് ഏട്ടൻ ഭാവന സ്റ്റുഡിയോസിന്റെ അടുത്ത സിനിമയിൽ അവസരമുണ്ടെന്നു പറഞ്ഞു വിളിക്കുകയായിരുന്നു. സംഗീതേട്ടൻ നിർദേശിച്ചിട്ടാണോ ചാൻസ് കിട്ടയത് എന്ന ചെറിയ ആശങ്കയോടെ സെറ്റിലെത്തിയപ്പോൾ ശ്യാംചേട്ടൻ (ശ്യാം പുഷ്കരൻ പറഞ്ഞു, “ബേസിലിന്റെ ജോടിയായി നീ നന്നാകുമെന്ന് ഉണ്ണിമായയാണ് നിർദേശിച്ചത്. അതെനിക്ക് ഒരുപാട് ആത്മവിശ്വാസം തന്നു.

ഒരു ദിവസം, അര സീൻ...

പാൽതുവിലെ സ്റ്റെഫി മുഴുനീള കഥാപാത്രമാണങ്കിലും എനിക്ക് ഒരു ദിവസത്തെ ഷൂട്ടിങ് മാത്രമേ ഉണ്ടായിരുന്നുള്ളൂ. അന്ന് മറ്റ് അഭിനേതാക്കളൊന്നും സെറ്റിലില്ല, എന്റെ ഷോട്സ് മാത്രം. പിന്നെ, ബേസിലേട്ടനൊപ്പം അര സീൻ.