മലയാളികളുടെ ലാലേട്ടൻ

ചിപ്പിയും രഞ്ജിത്തും മലയാള സിനിമാ-ടെലിവിഷൻ രംഗത്തെ അത്ഭുതജോഡിയാണ്. കുടുംബത്തോടൊപ്പം ഒരു മാധ്യമസാമ്രാജ്യം വളർത്തുന്ന ശക്തമായ കൂട്ടുകെട്ട്.

- അപ്പൂസ് കെ.എസ്

കാത്തിരിക്കുന്നവർക്ക് വലിയ വലിയ അനുഗ്രഹങ്ങൾ ദൈവം തരും എന്ന് സംവിധായകൻ ബ്ലസി പറഞ്ഞിട്ടുണ്ട്. അതാണോ തുടരും സിനിമയിൽ സംഭവിച്ചത്?

സിനിമ ഇത്ര കോടി കളക്ഷൻ നേടി എന്നുപറയുന്നതിനെക്കാളും ആ സിനിമ എത്രമാത്രം ആളുകളെ സ്വാധീനിച്ചു എത്ര ആളുകൾ കണ്ടു എന്നതിലാണ് സന്തോഷം. മലയാളികൾ ഇത്രമാത്രം ആസ്വദിച്ചുകണ്ട ഒരു സിനിമ സമീപകാലയളവിൽ ഉണ്ടായിട്ടില്ല എന്ന് പ്രേക്ഷകർ ഒന്നടങ്കം പറയുന്നു. അതാണ് സിനിമാ ജീവിതത്തിന്റെ ഏറ്റവും വലിയൊരു വിജയം. അതിനുമുകളിൽ ഒന്നുമില്ല.

വലിയ നഷ്ടത്തിൽ ഉള്ള നിർമ്മാതാക്കളുടെ സംഘടനയ്ക്ക് മുന്നിൽ വയ്ക്കാവുന്ന വലിയൊരു ലാഭചിത്രം തന്നെയാണല്ലോ തുടരും?

അതേ. തീയേറ്ററുകാർക്ക് പോലും വലിയ സന്തോഷം ആണിത്. വലിയ ഹിറ്റ് വരുമ്പോഴാണ് പറയാൻ മാത്രമുള്ള എന്തെങ്കിലും നേട്ടം അവർക്ക് ഉണ്ടാവുന്നുള്ളൂ.

തുടരും സിനിമ വന്നതോടുകൂടി മലയാളികൾ എല്ലാവരും പറയുന്നു ഞങ്ങൾക്ക് ഞങ്ങളുടെ പഴയ ലാലേട്ടനെ തിരിച്ചു കിട്ടിയെന്ന്. ശരിക്കും മലയാളികൾക്ക് ആരാണ് ലാലേട്ടൻ? താങ്കളുടെ നിരീക്ഷണം എന്താണ്?

ചിലർക്ക് സഹോദരനെപ്പോലെയാണെങ്കിൽ ചിലർക്ക് അച്ഛനെപ്പോലെ, മറ്റുചിലർക്ക് ഏറ്റവും അടുത്തൊരു സുഹൃത്ത്. ഇതാണ് ലാലേട്ടൻ. മോഹൻലാൽ എന്ന മഹാനടൻ വർഷങ്ങളായി കണ്ടുകൊണ്ടിരിക്കുന്ന ആളാണ് ഞാൻ. എല്ലാ ഇമോ ഷനും ഒരേപോലെ സ്ക്രീനിന് മുന്നിൽ അവതരിപ്പിക്കാൻ കഴിയുന്ന അഭിനയമികവ്. എല്ലാ തലമുറയിൽപ്പെട്ട ആളുകളെയും ഒരുപോലെ സ്വാധീനിക്കാൻ അദ്ദേഹത്തിന് കഴിയുന്നു.