“நல்லூர் பதியில் நடனமாட ஆசை”

சர்வதேசப் புகழ்பெற்ற நடனக்கலைஞர், நெறியாள்கையாளர் ரவிபந்து வித்யாபதி தன் ஆசைகள், அனுபவங்களைப் பகிர்ந்து கொள்கிறார்

- 

“நாட்டியம் மனிதனின் உணர்வுகளை, மனதுக்கும் தாளலயம் பெரும்பாலும் ஒன்றாகவே காணப்படுகின்றது. அதேபோல், அல்லது கருத்தை வெளிப்படுத்துவதற்கு பயன்படுகின்றது. கிறிஸ்துவுக்கு முன்பு இந்தியாவில் தோற்றம் பெற்ற நாட்டியக் கலைகள் அழகியலையும் ஆன்மிகத்தையும் இணைத்துப் பார்ப்போரைப் பரவசப்படுத்துகின்றன. நாட்டியக் கலையில் ராகம், பாவம், தாளம் என்ற மூன்று அம்சங்களைக் கவனிக்கலாம். இவற்றில் ராகமானது எம் செவிக்கும் மனதுக்கும் விருந்தாவது மட்டுமல்ல, அந்த நடனத்துடன் எம்மை ஒன்றிப்போகவும் வைக்கின்றது. நடனமாடுபவர் தனது உள்ளத்தில் ஏற்படும் பல்வேறு கருத்துக்களைத் தன்னுடைய கண், முகம் என்பவற்றின் பாவனைகள் மூலம் வெளிப்படுத்துவதே பாவம் ஆகும். ராகம் பாவம் என்பவற்றுக்கு மெருகூட்டுவது தாளமாகும். தாளமானது பார்ப்போருக்கு மட்டுமல்ல நடனம் ஆடுபவருக்கும் உற்சாகத்தையும் ரசனையையும் ஊட்ட வல்லதாகும். இந்த மூன்று அம்சங்களையும் சரிவரப் பொருத்தி ஒருவர் நடனமாடுவாராகில் சிறியோர் முதல் பெரியார் வரை மிக இலகுவாக நடனத்துடன் வயமாகிவிடுவர். எனவேதான், நாட்டியத்தைப் பார்த்து ரசிப்பதற்கு எந்தவொரு மொழியும் தேவையில்லை. இது ஒரு ஆன்ம மொழி என்றே கூறலாம்” என்று நாட்டியம் குறித்து சிறு அறிமுகம் செய்துவைத்த ரவிபந்து, திராவிட நாட்டிய கலைகள் குறித்து பின்வருமாறு விளக்கினார்.

“இந்திய இலங்கை நடனப் பரம்பரியத்தில் ஆணிவேர் வெவ்வேறானவையல்ல. கேரள மக்களின் கலாசாரத்தைப் பிரதிபலிக்கும் கதகளி, தமிழர்களின் கலாசாரத்தைப் பிரதிபலிக்கும் பரதநாட்டியம், சிங்களவர்களது கலாசாரத்தைப் பறைசாற்றும் கண்டிய நடனம் என்பவற்றைக் கவனித்தால் பல ஒற்றுமைகள் புலனாகும். கதக்களி நடனம், கண்டிய நடனம், பரதநாட்டியம் ஆகிய மூன்றும் சமயக் கலாசார நிகழ்வுகளில் அதிகம் ஆடப்படுகின்றன. சிங்களக் கண்டிய நடனம், தென்னிந்தியப் பழந்தமிழர் மற்றும் இலங்கை இரண்டுக்குமான தொடர்பை எடுத்துக் காட்டுகின்றது. திராவிடக் கலாசார நடனங்களில் ஒன்றான கதக்களி நடனத்தில் இருந்து தோன்றியதே இந்தச் சிங்களக் கலாசார நடனக்கலை.