ఆదరణే ఔషధం

చదువుల ఒత్తిడికి 13 యేళ్ల బాలిక బలయ్యింది. చదువులో వెనుకబడ్డాననే బాధ భరించలేక 17వ అంతస్తు నుంచి దూకి ఆత్మహత్య చేసుకున్నది.

- 

చదువుల ఒత్తిడికి 13 యేళ్ల బాలిక బలయ్యింది. చదువులో వెనుకబడ్డాననే బాధ భరించలేక 17వ అంతస్తు నుంచి దూకి ఆత్మహత్య చేసుకున్నది. హైదరాబాద్కు చెందిన ఆమె ఓ ప్రైవేటు స్కూల్లో 9వ తరగతి చదువుతోంది. "బాలిక సరిగ్గా చదవడం లేదని” పేరెంట్స్ సమావేశంలో టీచర్లు ఆమె తల్లికి చెప్పారు. విషయం తెలిసిన తండ్రి "బాగా చదువుకోవాలని" ఆ రాత్రి హితోపదేశం చేశారు. తరువాత గదిలోకి వెళ్లిన బాలిక వాష్ రూమ్ కిటికీ నుంచి దూకింది. అంత ఎత్తు నుంచి కింద పడటంతో శరీరం రెండు ముక్కలైంది.గత పదేళ్లలో విద్యార్థుల ఆత్మహత్యలు రెట్టింపు అయ్యాయి. గత ఏడాది దేశంలో 13,500 మందికి పైగా విద్యార్థులు బలవన్మరణానికి గురయ్యారు. సాధారణ ఆత్మహత్యలు రెండు శాతం పెరగ్గా విద్యార్థుల ఆత్మహత్యలు నాలుగు శాతం పెరిగాయి. ఇది జాతీయ సగటు కంటే రెట్టింపు. మొత్తం ఆత్మహత్యల్లో మగ విద్యార్థులు 53 శాతం ఉన్నారు. అయితే గత రెండేళ్లలో మగ విద్యార్థుల ఆత్మహత్యలు ఆరు శాతం తగ్గగా, మహిళా విద్యార్థుల ఆత్మహత్యలు ఏడు శాతం పెరిగాయి. విద్యార్థుల ఆత్మహత్యలకు చదువుల ఒత్తిడే ప్రధాన కారణం. ప్రేమ వైఫల్యాలు, ఇతర కారణాలు కనిపిస్తాయి. అయితే ఆత్మహత్యలు చేసుకున్న వారిలో 90 శాతం డిప్రెషన్తో బాధపడుతున్నవారు ఉన్నారని అధ్యయనాలు తెలిపాయి. ఇందులో కొందరు మాదక ద్రవ్యాల వ్యసనపరులు ఉన్నారు. ఇటీవల జాతీయ సర్వే సంస్థ చేపట్టిన అధ్యయనంలో 16 శాతం విద్యార్థులు నిరాశతో ఉన్నట్టు వెల్లడయ్యింది. మానసిక ఒత్తిడి, ఇతర సమస్యలతో బాధపడేవారు మర