அடுத்த 3 ஆண்டுகளில் விண்கலம் தயாரிப்பை மூன்று மடங்காக அதிகரிக்க திட்டம்: இஸ்ரோ தகவல்

விண்வெளி ஆய்வில் உலக நாடுகளுக்கு சவால் அளிக்கும் வகையில் இந்திய விண்வெளி ஆராய்ச்சி நிறுவனம் (இஸ்ரோ) செயல்பட்டு வருகிறது. இந்த துறையில் பல்வேறு சாதனைகளை புரிந்து வரும் இஸ்ரோவின் வருங்கால திட்டங்கள் குறித்து அதன் தலைவர் நாராயணன் விவரித்து உள்ளார்.

- 

இது தொடர்பாக செய்தி நிறுவனம் ஒன்றுக்கு அவர் அளித்துள்ள சிறப்பு பேட்டியில் கூறியிருப்பதாவது:

அறிவியல், தொழில்நுட்பம் மற்றும் தொழில்துறை திறனில் விரைவான அளவிடுதலின் ஒரு கட்டத்துக்கு இஸ்ரோ தயாராகி வருகிறது. நடப்பு நிதியாண்டு இறுதிக்குள் மேலும் 7 ராக்கெட்டுகளை விண்ணில் ஏவ இலக்கு வைக்கப்பட்டு உள்ளது. இதில் வணிக ரீதியான தகவல் தொடர்பு செயற்கைக்கோள் மற்றும் பல்வேறு பி.எஸ்.எல்.வி., ஜி.எஸ்.எல்.வி. திட்டங்களும் அடங்கும்.