இந்திய பண்பாடு, தமிழ்மொழி குறித்து லண்டன் நாடாளுமன்றத்தில் உரையாற்றுகிறார் கலைமாமணி சுந்தரமுருகன்

இங்கிலாந்து நாட்டின் லண்டன் நாடாளுமன்றத்தில் 2025ஆம் ஆண்டு ஜூன் மாதம் 18ஆம் தேதி உலகத்தின் தமிழ் அறிஞர்கள் 100 பேரை கௌரவிக்கும் தமிழ்ப் பண்பாட்டு விழா நடைபெறுகிறது.

- 

இந்த நிகழ்ச்சியை இங்கிலாந்து நாட்டின் லண்டன் மாநகரத்தில் அமைந்துள்ள குரோய்டான் தமிழ்ச் சங்கமும் தமிழ்நாட்டில் சென்னையில் அமைந்துள்ள புகழ்பெற்ற குழந்தை எழுத்தாளர் ஆலந்தூர் கோ. மோகனரங்கன் பெயரில் அமைந்துள்ள கோ. மோகனரங்கன் தமிழ் ஆராய்ச்சி மையமும் இணைந்து நடத்துகின்றன.

இந்த விழா பல்வேறு நாடாளுமன்றத்தில் நடைபெறுகிறது. இந்த விழாவில் உலக நாடுகளில் இருந்து 25 நாடுகளின் தமிழ் அறிஞர் பெருமக்கள் கலந்துகொண்டு விழாவைச் சிறப்பிக்கின்றனர்.

இந்த விழாவில் அந்தந்த நாடுகளிலிருந்து கலந்து கொள்ளும் தமிழ் அறிஞர் பெருமக்களில் இருந்து ஒரு தமிழறிஞர் தங்களுடைய நாட்டின் பண்பாடு மற்றும் தமிழ் மொழி குறித்து "வாய்ஸ் ஆப் த நேஷன்ஸ்" (voices of the nation's) என்னும் தலைப்பில் தாங்கள் வாழும் "நாடுகளின் உணர்வுகள்” குறித்து, தமிழ் அறிஞர்களின் எண்ணங்களை பிரதி பலிக்கும் வகையில் உரையாற்றுகின்றனர்.