மச்சாடோவுக்கு நோபல்-ஏற்க முடியாத தேர்வு!

வெனிசுலாவின் எதிர்க்கட்சித் தலைவர் மரியா கொரினா மச்சாடோவுக்கு வழங்கப்பட்ட அமைதிக்கான நோபல் பரிசு சர்ச்சைக்கு உள்ளானது.

- என். குணசேகரன்

பொதுவாக வல்லரசு நாடுகளின் நலன் களுக்கு ஆதரவாக இருப்பவர்களுக்குத் தான் அமைதிக்கான பரிசு வழங்கப்படுகி றது. இயற்பியல், வேதியியல் துறைகளில் பரிசளிக்க புதிய அறிவியல் விதிகள், கண் டுபிடிப்புகள் என்ற அளவுகோல்கள் உள் ளன. அமைதிக்கான பரிசு வழங்குவதில் துல்லியமான அளவுகோல் இல்லை. நோ பல் குழுவின் விருப்பு, வெறுப்புகளுக்கு ஏற்ப தேர்வுகள் அறிவிக்கப்படுகின்றன.

தேர்வுக் குழுவுக்குள் நடந்த விவாதம், ஒருவரைத் தேர்ந்தெடுப்பதற்கான தகுதிகள் விவரம் அனைத்தும் வெளியுலகுக்குத் தெரி யாமல் பூட்டி வைக்கப்பட்ட ஆவணங்களாக உள்ளன. வெளிப்படைத்தன்மை இல்லாதது தான் பல சந்தேகங்களை எழுப்புகிறது.

1994-இல் இஸ்ரேலிய அமைச்சர் ஷிமோன் பெரெஸின் இஸ்ரேலின் ராணு வத்தை பிரம்மாண்டமாக கட்டமைத்து அணு ஆயுதபாணியாக்கியவர்; பல ராணு வத் தாக்குதல்களைத் திட்டமிட்டு நடத்தி, குரூரமான படுகொலைகளுக்குக் காரண மானவர். அவருக்கு சமாதானத்துக்கான பரிசு வழங்கியது கேலிக்கூத்து.

அமெரிக்காவின் வெளியுறவுத் துறை செயலாளராக இருந்த ஹென்றி கிஸ் ஸிங்கர் கம்போடியா மீது குண்டுவீச்சு, வியத்நாம் போர் போன்ற பல போர்க் குற் றங்களைத் திட்டமிட்டு முன்னெடுத்தவர். 1973 -இல் அமைதிக்கான நோபல் பரிசு அவருக்கு வழங்கப்பட்டது.

ஆனால், அமைதியை வாழ் நாள் நெறியாகக் கொண்டு, அகிம்சையை போதித்த மகாத்மா காந்தியின் பெயர் ஐந்து முறை பரிந்துரைக்கப்பட்ட போதும் அவருக்கு நிராகரிக்கப்பட்டது!