இயக்குநர்கள் நியமனத்தில் நீடிக்கும் இழுபறி: நிர்வாகச் சிக்கலில் தமிழக மருத்துவத் துறை

மக்கள் நல்வாழ்வுத் துறையின் பிரதான 5 இயக்குநரகங்களுக்கு முழுப் பொறுப்புடன் கூடிய இயக்குநர்களை நியமிப்பதில் தாமதம் நீடிப்பதால் நிர்வாகச் சிக்கல்கள் எழுந்துள்ளன.

- நமது நிருபர்

நமது நிருபர் சென்னை, ஆக. 4:

இதன் விளைவாக, ஒரே அதிகாரி கூடுதல் பொறுப்பாக பல துறைகளை கவனித்துக் கொள்வதால் வழக்கமான பணிகளும், கோப்புகளும் தேக்கமடையும் நிலை உருவாகியுள்ளது.

மருத்துவக் கல்வி: மாநிலம் முழுவதும் உள்ள அரசு மற்றும் தனியார் மருத்துவக் கல்லூரிகளுக்கும், துணை மருத்துவக் கல்லூரிகளுக்கும் தலைமை அமைப்பாக விளங்குவது மருத்துவக் கல்வி இயக்குநரகம். அதற்கு இயக்குநராக இருந்த டாக்டர் சங்குமணி, கடந்த ஜூன் மாதம் ஓய்வு பெற்றார். அதன் பின்னர், கூடுதல் மருத்துவக் கல்வி இயக்குநர் டாக்டர் எ.தேரணிராஜனுக்கு தற்காலிக அடிப்படையில் அந்த பதவி வழங்கப்பட்டது.

அதனுடன் மருத்துவக் கல்வி மாணவர் சேர்க்கை செயலர் மேற்கொள்ள வேண்டிய கலந்தாய்வு பணிகளையும் அவரே கவனித்து வருகிறார்.