ஹைதராபாத் ‘ஹாட்ரிக்’ தோல்வி

சொந்த மண்ணில் வென்றது கொல்கத்தா

- 

கொல்கத்தா, ஏப். 3: ஐபிஎல் கிரிக்கெட்டில் கொல்கத்தா நைட் ரைடர்ஸ் 80 ரன்கள் வித்தியாசத்தில் சன்ரைசர்ஸ் ஹைதராபாத்தை வியாழக்கிழமை வீழ்த்தி, அபார வெற்றி கண்டது.

முதலில் கொல்கத்தா 20 ஓவர்களில் 6 விக்கெட்டுகள் இழந்து 200 ரன்கள் எடுக்க, ஹைதராபாத் 16.4 ஓவர்களில் 120 ரன்களுக்கே சுருண்டது. ஹைதராபாதுக்கு இது தொடர்ந்து 3-ஆவது தோல்வியாகும். கொல்கத்தா பேட்டிங்கில் அங்கிரிஷ் ரகுவன்ஷி, வெங்கடேஷ் ஐயர் கூட்டணி அதிரடி காட்ட, பௌலிங்கில் வைபவ் அரோரா, வருண் சக்கரவர்த்தி அசத்தினர்.

முன்னதாக டாஸ் வென்ற ஹைதராபாத், பந்துவீச்சை தேர்வு செய்தது. கொல்கத்தா இன்னிங்ஸில் குவின்டன் டி காக் 1, சுனில் நரைன் 7 ரன்களுக்கு, 2 மற்றும் 3-ஆவது ஓவர்களில் ஆட்டமிழந்தனர்.