அரியலூர் அரசு மருத்துவமனையில் சிறப்பு மருத்துவர்கள் இல்லை

நோயாளிகள் அவதி

- நமது நிருபர்

நமது நிருபர் அரியலூர், ஜூலை 6: அரியலூர் அரசு மருத்துவக் கல்லூரி மருத்துவமனையில் சிறப்புச் சிகிச்சைக்கான வசதிகள், மருத்துவர்கள் இல்லாததால் நோயாளிகள் அவதிக்குள்ளாகும் நிலை நீடிக்கிறது.

சிமென்ட் ஆலைகளால் சுற்றுச்சூழல் பாதிக்கப்பட்டுள்ள அரியலூர் மாவட்டத்தில் அரசு மருத்துவக் கல்லூரி அமைக்க வேண்டும் என்ற பொதுமக்களின் கோரிக்கையையடுத்து, அரியலூர் அரசு கலைக் கல்லூரிக்கு சொந்தமான 26 ஏக்கர் இடத்தில் கடந்த 7.7.2020 இல் அப்போதைய தமிழக முதல்வர் எடப்பாடி கே. பழனிசாமி அரசு மருத்துவக் கல்லூரிக்கு அடிக்கல் நாட்டினார்.

இதையடுத்து ரூ. 347 கோடியில் பணிகள் முடிக்கப்பட்ட அரசு மருத்துவக் கல்லூரி மற்றும் மருத்துவமனையை கடந்த 12.1.2022 அன்று பிரதமர் மோடி தில்லியில் இருந்து காணொலி மூலம் திறந்துவைத்தார்.

இதைத் தொடர்ந்து 700 படுக்கை வசதிகளுடன் கட்டப்பட்ட மருத்துவக் கல்லூரி மருத்துவமனையின் சேவையை துணை முதல்வர் உதயநிதி ஸ்டாலின் கடந்த 2023 செப்டம்பர் மாதம் தொடக்கிவைத்தார்.

இதையடுத்து பெரம்பலூர் சாலையில் இயங்கிவந்த மருத்துவமனை இந்த மருத்துவக் கல்லூரியுடன் இணைக்கப்பட்டது.

அங்கு குழந்தைகள், பிரசவ வார்டுகள் மட்டும் இயங்கி வருகின்றன.