மன்மோகன் சிங் பிறந்த நாள்: பிரதமர், காங்கிரஸ் தலைவர்கள் மரியாதை

மறைந்த முன்னாள் பிரதமர் மன்மோகன் சிங்கின் 93-ஆவது பிறந்ததினத்தையொட்டி, அவருக்கு பிரதமர் நரேந்திர மோடி, காங்கிரஸ் தலைவர் மல்லிகார்ஜூன கார்கே, மக்களவை எதிர்க்கட்சித் தலைவர் ராகுல் காந்தி உள்ளிட்டோர் வெள்ளிக்கிழமை மரியாதை செலுத்தினர்.

- 

தில்லியில் காங்கிரஸ் தலைமையகத்தில் முன்னாள் பிரதமர் மன்மோகன் சிங்கின் பெயரில் நூலகத்தை வெளியிடுகிறார் திறந்த வைத்த அக் கட்சியின் மூத்த தலைவர் சோனியா காந்தி. உடன் மன்மோகன் சிங்கின் மனைவி குர்சரண் கெளர்.

நாட்டில் கடந்த 2004 முதல் 2014 வரை காங்கிரஸ் தலைமையிலான ஐக்கிய முற்போக்கு கூட்டணி அரசுக்கு தலைமை தாங்கியவர் மன்மோகன் சிங். 1991-1996 காலகட்டத்தில் அப்போதைய பிரதமர் பி.வி. நரசிம்ம ராவ் தலைமையிலான அரசில் நிதியமைச்சராக இருந்தார். அப்போது, நாட்டில் சந்தை சீர்திருத்தங்கள் தொடங்கப்பட்டு, பொருளாதாரம் மீதான அரசின் கட்டுப்பாடுகள் தளர்த்தப்பட்டன. எனவே, மன்மோகனின் நிதியமைச்சர் பதவிக் காலம், புதிய சீர்திருத்தங்களுக்கான சகாப்தமாக பார்க்கப்படுகிறது.