முழுமையான பாதுகாப்பு வழங்கவில்லை

எடப்பாடி பழனிசாமி குற்றச்சாட்டு

- 

கரூரில் தவெக தலைவர் விஜய் பிரசாரக் கூட்டத்துக்கு முழுமையான பாதுகாப்பு வழங்கப்படவில்லை என அதிமுக பொதுச் செயலரும், எதிர்க் கட்சித் தலைவருமான எடப்பாடி கே. பழனிசாமி குற்றம்சாட்டினார்.

கரூரில் சனிக்கிழமை தவெக பிரசாரக் கூட்டத்தில் நெரிசலில் சிக்கி 40 பேர் உயிரிழந்தனர். 80-க்கும் மேற்பட்டோர் காயமடைந்தனர்.

இந்த நிலையில், கரூர் அரசு மருத்துவமனைக்கு ஞாயிற்றுக்கிழமை அதிகாலை வந்த எடப்பாடி கே.பழனிசாமி, உயிரிழந்தோரின் உடல்களுக்கு மாலை அணிவித்து அஞ்சலி செலுத்தியதுடன் உறவினர்களுக்கு ஆறுதல் கூறி, சிகிச்சை பெறுவோரையும் நேரில் பார்த்து ஆறுதல் தெரிவித்தார்.