தமிழ் இலக்கிய திறனறி தேர்வு: இன்றுமுதல் விண்ணப்பிக்கலாம்

தமிழ் இலக்கிய திறனை மேம்படுத்திக்கொள்வதற்காகவும், உதவித்தொகை பெறுவதற்காகவும் பிளஸ் 1 மாணவர்களுக்கு நடத்தப்படும் தமிழ் மொழி இலக்கிய திறனறி தேர்வு அக். 11-ஆம் தேதி நடைபெறவுள்ளது.

- 

சென்னை, ஆக. 21: இந்தத் தேர்வுக்கு வெள்ளிக்கிழமை (ஆக. 22) முதல் விண்ணப்பிக்கலாம்.

இதுகுறித்து அரசுத் தேர்வுகள் இயக்குநர் சசிகலா வியாழக்கிழமை வெளியிட்ட செய்திக் குறிப்பு:

1,500 பேருக்கு உதவித்தொகை: நிகழ் கல்வியாண்டிற்கான தமிழ்மொழி இலக்கிய திறனறி தேர்வு அக். 11-ஆம் தேதி நடைபெறவுள்ளது. இத்தேர்வில் தமிழகம் முழுவதும் 1,500 மாணவர்கள் தேர்வு செய்யப்பட்டு அவர்களுக்கு பள்ளிக் கல்வித்துறை வாயிலாக மாதந்தோறும் ரூ.1,500 வீதம் இரண்டு ஆண்டுகளுக்கு வழங்கப்படும்.