உ.பி.: புலி தாக்கி விவசாயி உயிரிழப்பு

இரு மாதங்களில் 6-ஆவது சம்பவம்

- 

பிலிபிட், ஜூலை 14: உத்தர பிரதேச மாநிலத்தில் புலி கடித்துக் குதறியதில் விவசாயி உயிரிழந்தார். அங்கு கடந்த இரு மாதங்களில் நடைபெற்ற 6-ஆவது உயிரிழப்பு இதுவாகும்.

உத்தர பிரதேசத்தின் பிலிபிட் மாவட்டம், புல்ஹார் கிராமத்தைச் சேர்ந்த விவசாயி தயாராம் (39), அவர் திங்கள்கிழமை காலை தனது வீட்டைவிட்டுப் புறப்பட்டு தான் கரும்பு பயிரிட்டுள்ள வயல்வெளியைப் பார்க்கச் சென்றார். அப்போது அங்கு பதுங்கியிருந்த ஒரு புலி அவர் மீது பாய்ந்து அவரைக் கடித்துக் குதறியது.

அவரது கழுத்து மீதும் மார்பு மீதும் தாக்குதல் நடத்திய புலி அவரை சுமார் 20 மீட்டர் தொலைவுக்கு இழுத்துச் சென்றது. இதில் படுகாயமடைந்த தயாராம் சம்பவ இடத்திலேயே உயிரிழந்தார்.