தமிழ்நாட்டின் கல்வி வளர்ச்சிக்கு தேசிய கல்விக் கொள்கையால் ஆபத்து

தமிழ்நாட்டின் கல்வி வளர்ச்சியை தேசிய கல்விக் கொள்கை அழித்துவிடும் என முதல்வர் மு.க.ஸ்டாலின் கூறினார்.

- 

செங்கல்பட்டு, மார்ச் 11:

செங்கல்பட்டில் செவ்வாய்க்கிழமை நடைபெற்ற அரசு விழாவில், ரூ.497 கோடியே 6 லட்சம் மதிப்பீட்டிலான 5 புதிய திட்டப் பணிகளுக்கு முதல்வர் ஸ்டாலின் அடிக்கல் நாட்டியும், ரூ.280 கோடியே 38 லட்சத்தில் 47 முடிவுற்ற பணிகளைத் திறந்து வைத்தார்.

பின்னர், நகர்ப்புறப் பகுதிகளில் ரூ.508 கோடியே 3 லட்சம் மதிப்பிலான அரசு நலத் திட்ட உதவிகளை 50,606 பயனாளிகளுக்கு வழங்கி முதல்வர் பேசியதாவது:

நீர்நிலைகளும், ஏரிகளும் நிறைந்து நீர்நிலைகளில் செங்கழுநீர்ப் பூக்கள் அதிகமாக இருந்ததால் செங்கழுநீர்ப்பட்டு என்று அழைக்கப்பட்டு, இன்றைக்கு தலைநகர் சென்னையின் நுழைவாயிலாக செங்கல்பட்டு விளங்குகிறது.

கடந்த 4 ஆண்டுகளில் செங்கல்பட்டு மாவட்டத்தில் 3 லட்சத்து 8 ஆயிரம் மகளிருக்கு மாதம் ரூ.1,000 வழங்கப்படுகிறது. 15,000 பள்ளி மாணவிகள், 10,000 மாணவர்களுக்கு ரூ.1,000 வழங்கப்படுகிறது.