தடையை மீறி போராட்டம்: அதிமுக, பாஜகவினர் மீது வழக்கு

அண்ணா பல்கலை. மாணவி பாலியல் வன்கொடுமை சம்பவத்தைக் கண்டித்து, சென்னையில் வியாழக்கிழமை தடையை மீறி போராட்டம் நடத்தியதாக அதிமுகவினர், பாஜகவினர் மீது போலீஸார் வழக்குப் பதிவு செய்தனர்.

- 

கிண்டியில் உள்ள அண்ணா பல்கலை. எதிரே வியாழக்கிழமை போராட்டத்தில் ஈடுபட்ட அதிமுகவினரை போலீஸார் தடுத்து நிறுத்தினர். அப்போது, இரு தரப்பினருக்கும் இடையே வாக்குவாதம் ஏற்பட்டது. முன்னாள் அமைச்சர் ஜெயக்குமார் சாலைத் தடுப்பு மீதேறி காவல்துறையை கண்டித்து முழக்கங்களை எழுப்பினார். இதையடுத்து போராட்டத்தில் ஈடுபட்ட அதிமுகவினரை போலீஸார் கைது செய்து அப்புறப்படுத்தினர்.