உயர் கல்வி மாணவர்களுக்கு எளிதாக கல்விக் கடன்

பிரதமரின்‌ வித்யாலக்ஷமி' திட்டத்துக்கு அமைச்சரவை ஒப்புதல்‌

- 

நாட்டின் தலைசிறந்த அரசு மற்றும் தனி யார் உயர்கல்வி நிலையங்களில் சேர்க்கை பெறும் மாணவர்கள் எளிதாக கல்விக் கடன் பெற வழிவகுக்கும் பிரதமரின் ‘வித் யாலக்ஷ்மி’ திட்டத்துக்கு மத்திய அமைச்சரவை புதன்கிழமை ஒப்புதல் வழங்கியது.

தரமான உயர் கல்வியைப் பெறுவதில் மாணவர்களுக்கு பணப் பிரச்னை ஒரு தடையாக இருக்கக் கூடாது என்ற நோக்கில், ரூ.3,600 கோடி மதிப்பீட்டில் இந்தப் புதிய திட்டம் செயல்படுத்தப்படுவதாக மத்திய அமைச்சர் அஸ்வினி வைஷ்ணவ் தெரிவித்தார்.

இத்திட்டத்தின் கீழ், நாட்டின் தலைசிறந்த உயர்கல்வி நிறுவனங்களில் சேர்க்கை பெறும் எந்த வொரு மாணவரும் பிணையோ, உத்தரவாத கையொப்பமோ இன்றி வங்கி மற்றும் நிதி நிறுவனங்களில் கல்விக் கடன் பெற முடியும். முழு கல்விக் கட்டணம் மற்றும் படிப்பு சார்ந்த இதர செலவுகள் இதில் அடங்கும்.

தேசிய கல்வி நிறுவன தரவரிசை அமைப்பின் (என்ஐஆர்எஃப்) தரவரிசைப் பட்டியலின் படி, நாட்டின் 860 தலைசிறந்த உயர் கல்வி நிறுவனங்களில் சேர்க்கை பெறும் மாணவர்கள் இத்திட்டத்தின் கீழ் கடன் பெற முடியும். ஆண்டுதோறும் 22 லட்சத்துக்கும் மேற்பட்ட மாணவர்கள் பலனடைவர்.