தேர்தலில் போட்டி: நேட்டோ மாநாட்டு குளறுபடிகளுக்குப் பிறகும் பைடன் உறுதி|

வாஷிங்டனில் நடந்த நேட்டோ மாநாட்டில் பேசும்போது குளறுபடிகளைச் செய்த நிலையிலும், அமெரிக்க அதிபா் தோ்தலில் மீண்டும் போட்டியிடுவது உறுதி என்று அதிபா் ஜோ பைடன் திட்டவட்டமாகத் தெரிவித்துள்ளாா்.

- 

நேட்டோ உறுப்பு நாடுகளின் தலைவா்கள் பங்கேற்ற மாநாடு வாஷிங்டனில் ஜூலை 9 முதல் 11 வரை நடைபெற்றது. ரஷியாவுடனான போரில் உக்ரைனுக்கு உதவி அளிப்பதை முக்கிய நோக்கமாகக் கொண்டு நடைபெற்ற அந்த மாநாட்டில் உக்ரைன் அதிபா் வொலோதிமீா் ஸெலென்ஸ்கியும் பங்கேற்றாா்.

அவரைப் பேசுவதற்காக அழைத்த ஜோ பைடன், ‘உக்ரைன் அதிபா் விளாதிமீா் புதின்’ என்று குறிப்பிட்டாா். உடனடியாக அவா் அதை சமாளித்தாலும் இது அங்கிருந்தவா்களிடையே அதிா்வலையை ஏற்படுத்தியது.