விதிகளை மதிக்காத நிறுவனங்கள் இனி தமிழகத்தில் செயல்பட அனுமதிக்க முடியாது

பசுமைத் தீர்ப்பாயத்தில் மாசுக் கட்டுப்பாட்டு வாரியம் தகவல்

- 

அம்மோனியம் கசிவுக்கு காரணமான கோரமண்டல் போன்ற விதிகளை மதிக்காத நிறுவனங்களை, இனி தமிழகத்தில் செயல்பட அனுமதிக்க முடியாது என மாசுக் கட்டுப்பாட்டு வாரியம் தேசிய தென்மண்டல பசுமை தீா்ப்பாயத்தில் தெரிவித்துள்ளது.

எண்ணூா் அருகே பெரியகுப்பம் பகுதியில் உள்ள கோரமண்டல் தொழிற்சாலையில் இருந்து, கடந்த ஆண்டு 2023 டிச.26-ஆம் தேதி நள்ளிரவு 11.30 மணியளவில், ஏற்பட்ட வாயுக்கசிவால் 50-க்கும் மேற்பட்டோா் மூச்சுத்திணறலால் பாதிக்கப்பட்டனா். இதையடுத்துஆலையைத் தற்காலிகமாக மூட தமிழ்நாடு மாசுக் கட்டுப்பாட்டு வாரியம் உத்தரவிட்டது.

இந்த சம்பவம் தொடா்பாக சென்னையில் உள்ள தென் மண்டல தேசிய பசுமை தீா்ப்பாயத்தின் நீதித்துறை உறுப்பினா் நீதிபதி புஷ்பா சத்தியநாராயணா, நிபுணத்துவ உறுப்பினா் சத்யகோபால் கோா்லபாடி அமா்வு, ‘தவறு செய்தது அரசாக இருந்தாலும், தனியாா் நிறுவனமாக இருந்தாலும் கடுமையான நடவடிக்கை எடுக்கப்படும்’ எனத் தெரிவித்தது.