மேற்கு வங்கம்: அமலாக்கத் துறை அதிகாரிகள் மீது திரிணமூல் தொண்டர்கள் தாக்குதல்

மேற்கு வங்கத்தில் பொது விநியோகத்திட்ட முறைகேடு தொடர்பாக சோதனை மேற்கொண்ட அமலாக்கத்துறை அதிகாரிகள் மீது, திரிணமூல் காங்கிரஸை சேர்ந்த ஷேக் சாஜஹானின் ஆதரவாளர்கள் வெள்ளிக்கிழமை தாக்குதல் நடத்தினர்.

- 

இந்த சம்பவம் தொடர்பாக உரிய நடவடிக்கை மேற்கொள்ளப்படும் என்று மாநில ஆளுநர் ஆனந்த போஸ் தெரிவித்துள்ளார்.

மேற்கு வங்கத்தில் கரோனா பரவல் காரணமாக பொதுமுடக்கம் பிறப்பிக்கப்பட்டபோது உணவு தானியங்கள் விநியோகம் மற்றும் பொது விநியோகத் திட்டத்தில் பல கோடிக்கு முறைகேடு நடைபெற்றதாக குற்றச்சாட்டு எழுந்தது.

அந்த மாநில உணவு மற்றும் உணவுப் பொருள் வழங்கல் துறை அமைச்சராக ஜோதிப்ரிய மல்லிக் பதவி வகித்தபோது, இந்த முறைகேடுகள் நடைபெற்றதாகக் கூறப்படுகிறது.

பின்னர் அவர் மாநில வனத்துறை அமைச்சராகப் பதவி வகித்த நிலையில், முறைகேடு தொடர்பான சட்டவிரோத பணப் பரிவர்த்தனை குற்றச்சாட்டில் மல்லிக்கை அமலாக்கத்துறை செய்தது.

இந்நிலையில், அந்த முறைகேடு தொடர்பாக திரிணமூல் காங்கிரஸை சேர்ந்த ஷேக் சாஜஹானின் வீட்டில் அமலாக்கத்துறை அதிகாரிகள் வெள்ளிக்கிழமை சோதனை மேற்கொண்டனர் மல்லிக்குக்கு ஷேக் நெருக்கமானவராகக் கருதப்படும் நிலையில், வடக்கு 24 பர்கானா மாவட்டம் சந்தேஷ்கலி பகுதியில் உள்ள அவரின் வீட்டில் அதிகாரிகள் சோதனை மேற்கொண்டனர்.