சபரிமலை கோயிலில் தங்கம் கொள்ளையா?

செம்பு தகடுகளாக மாற்றம், கேரள உயர் நீதிமன்றம் அதிர்ச்சி, திடுக்கிடும் தகவல்கள்

- 

ஒரு காலத்தில் சபரிமலை சென்றால் உயிருடன் திரும்பி வரமுடியுமா என்ற சந்தேகத்துடன் தான் பக்தர்கள் செல்வார்கள். அதற்குக் காரணம் வேறு ஒன்றுமல்ல... அடர்ந்த காட்டுக்குள் இருக்கும் சபரிமலை ஐயப்பன் கோயில் செல்லும் வழியில் புலி, யானைகள் உள்பட வனவிலங்குகளும், ராஜ நாகம் உள்பட கொடிய விஷப்பாம்புகளும் அதிகமாக இருக்கும்.

பண்டைய காலத்தில் சபரிமலை செல்வதற்கு ஒழுங்கான பாதைகளும் கிடையாது. பல கிலோமீட்டர் அடர்ந்த வனப்பகுதியில் வெறும் காலில் கல்லையும், முள்ளையும் மிதித்துத் தான் செல்ல வேண்டிய நிலை இருந்தது. ஆனாலும் அப்போது 41 நாள் கடும் விரதம் இருந்து சபரிமலை சென்று தரிசனம் செய்து வந்தனர். ஆனால், இப்போது நிலைமை மாறிவிட்டது. பெரும்பாலானோர் சுற்றுலா செல்வது போல வருடம்தோறும் சபரிமலை சென்று வருகின்றனர். பக்தர்களின் வருகை அதிகரித்ததை தொடர்ந்து வனவிலங்குகளும் அடர்ந்த காட்டுக்குள் சென்று விட்டன. சபரிமலை செல்லும் பாதையும் எளிதாகி விட்டது. கல்லும், முள்ளும் போய் கான்கிரீட் ரோடுகள் ஆகிவிட்டன. வெயிலில் வாடாமலும், மழையில் நனையாமலும் செல்ல பெரும்பாலான பகுதிகளில் கூரைகளும் வேயப்பட்டுள்ளன.

திருப்பதி போல வசதிகள் வேண்டுமென்று பலரும் எதிர்பார்க்கின்ற போதிலும் சபரிமலை கோயில் பாதுகாக்கப்பட்ட வனப்பகுதிக்குள் இருப்பதால் அதிக வசதிகளை செய்யமுடியாது என்று வனத்துறை கூறிவருகிறது. சபரிமலை கேரளாவில் இருந்தாலும் அந்த மாநிலத்தவர்களை விட தமிழ்நாடு, ஆந்திரா, தெலங்கானா, கர்நாடகா உள்பட வெளிமாநிலங்களில் இருந்து தான் ஏராளமான பக்தர்கள் வருகின்றனர். இவர்களால் தான் சபரிமலை கோயிலுக்கு வருமானமும் கிடைத்து வருகிறது.