IN VÊN GELAAI, TOE DOOD GEKRY

'N VROU van Manenberg sê sy sal nooit weer haar verjaardag kan vier nie, want dit was die laaste dag wat sy haar man lewend gesien het voordat die polisie hom kom wegvat het.

- 

Nou soek sy antwoorde op wat regtig met hom gebeur het toe die Anti-Gang Unit (AGU) hom en drie ander mans by Helen Court opgetel en hom na bewering so erg aangerand het dat hy later aan sy wonde beswyk het.

Sandra Price (42) sê dat laas Donderdag haar verjaardag was en haar man, Wayde Price (41), het haar uitgeneem om dit te vier.

“Die dag het regtig mooi begin.

“Ons het eers Spur toe gegaan en toe sê ek ek wil beach toe, maar hy het gesê hy gaan my pools toe vat in Obz (Obsevatory),” het sy vertel.

Daarna is hulle huis toe en het verder met tjommies ge-chill. Dis toe twee polisievêns omstreeks 19:00 by Helen Court aangekom het.

Volgens Sandra is Wayde en drie ander mans gevisenteer, maar daar is niks in hulle besit gevind nie.