'SY STRAF WAS ONREGVERDIG'

Ouer dink skool tug seun alleen oor vape

- CARRINGTON SWARTS

'N OUER van die Noord-Kaap is ongelukkig en kwaad oor hoe hulle kind by die Hoërskool Fraserburg behandel is.

Dit kom nadat die 17-jarige seun in die tweede kwartaal met 'n vape op die skoolgrond gevang is.

Die uitblinker-seun wat in die eerste kwartaal in die topvyf was, het egter nie weer dié lys behaal nie.

Deel van die sanksies van die tugverhoor was skorsing vir 'n week, detensie en gemeenskapsdiens. Die seun is ook sy prefekbalkie ontneem en mag nie aan sport deelneem nie. Hy het egter nie alles uitgedien nadat sy ouer geappelleer het nie.

Die ontstelde ouer is van mening dat die kind se straf onregverdig is oor hy net met die vape gevang is en nie gevang is die vape rook nie

Die ouer vertel: "'n Ander dogter het hom gevang met die vape en 'n onderwyser gaan sê."