EENHEID IS NODIG

Cricket Boland se nuwe president maak geen promises

- MARK WARD

CECIL Fillies het sy nuwe termyn as president van Cricket Boland met 'n nugter maar doelgerigte benadering begin.

Hy maak dit duidelik dat hy nie groot beloftes of dra-matiese veranderinge aan die orde gaan maak nie. Sy prioriteit is eenvoudig die versterking van die ontwikkelingspyplyn vir jong talent.

Vir hom is dit die fonda-ment waarop Boland nie net mededingend op die veld kan bly nie, maar ook sy status as 'n presterende unie kan uitbou.

Fillies, 'n boorling van Robertson, dra sy eie lewensfilosofie van harde werk en gemeenskapsbetrokkenheid die krieketwêreld in. As amptenaar in die toerisme-afdeling van die Kaapse Wynland Distriksmunisipaliteit is praktiese leierskap en verantwoordelikheid deel van sy daaglikse werklikheid – vaardighede wat hy nou in diens van die sport gebruik.

Sy verhouding met plaaslike krieket strek oor baie jare. Hy dien nie net as voorsitter van die Langeberg Sportraad nie, maar ook as leier van die Robertson Krieketklub, waar hy hand aan hand saam met spelers en ondersteuners gewerk het.