HOSPITAAL LOS GLO LAP IN JONG MA

WAT veronderstel was om die gelukkigste dag van haar lewe te wees, het vir Chesney Benjamin (27) van Kuilsrivier in 'n nagmerrie ontaard wat byna haar en haar pasgebore baba se lewe geëis het.

- KHIRSTEN BOOYS

Wat Benjamin nie geweet het nie, is dat daar 'n lap in haar geplaas is om die bloeding ná haar bevalling te stop. Niemand het haar egter oor die lappie ingelig of dat dit die volgende dag verwyder moes word nie.

Benjamin het op 31 Julie aan haar eerste kind (natuurlik) die lewe geskenk by die Karl Bremer-hospitaal nadat sy vanaf die Elsiesrivier-daghospitaal oorgeplaas is omdat haar baba in distress was en sy hartklop gedaal het.

“Die dag toe ek geboorte skenk, was alles deurmekaar. Die verpleegsters het nie geweet of hulle kom of gaan nie,” vertel Benjamin.

'n Male nurse was volgens haar uiters onprofessioneel.

“Jy kom nou eers hier aan, ek het al twee uur vir jou gewag,” het hy glo gesê terwyl sy in intense pyn was en op die ambulans gewag het.