Herbertsdale wil Springbokke oplewer

VERSTEEK tussen die berge en diep klowe, sowat 45 km van die N2-snelweg net voor Mosselbaai op pad na George, lê Herbertsdale 'n klein dorpie in die Suid-Kaap waar 'n besonderse rugbyklub groot drome koester.

- MARK WARD

Black Warriors, wat in 1999 hier in die besonderse gemeenskap wortelgeskiet het ná die herdoop vanaf Blue Birds, is nie net 'n klub nie, maar staan as 'n simbool van hoop in 'n Suid-Afrikaanse samelewing waar armoede en werkloosheid dikwels vooruitgang benadeel. Blue Birds, wat die eerste klub op die dorp was, het in 1984 opgehou speel.

Hier los die spelers hulle harte op die veld, terwyl getroue ondersteuners week ná week langs die kantlyn in reën of sonskyn hulle helde kom ondersteun.

Opofferings