8 KEER GESTEEK EN HY SURVIVE

DIE slagoffer van 'n mesaanval verlede maand het uiteindelik sy stilswye verbreek.

- 

Zain Pandey (47) van Wynberg was betrokke in 'n road rage-voorval in Maitland terwyl hy op pad was om sy dogter by die kollege te gaan haal.

Die voorval het ongeveer 15:30 op die besige hoek van Canonen Voortrekkerweg plaasgevind toe 'n taxi driver uit sy voertuig gespring en hom gekonfronteer het.

Die betrokke taxi driver, Mthuthuzeli Sikhwela, het hom Maandag aan die polisie oorgegee en het gister in die Kaapse landdroshof verskyn.

Die 28-jarige Sikhwela se saak van poging tot moord is tot Vrydag 25 Julie uitgestel vir borgtog-inligting en hy bly in aanhouding.

Pandey het gesê: “Hy (Sikhwela) het 'n bietjie terrible gery. En daar is woorde heen en weer geslinger, en toe ry hy voor my in.

“Hy het uit sy voertuig geklim en ek het ook uitgeklim.

“Dis nie asof hy my uit die kar uitgesleep het soos op social media gesê is nie.

“Die rede hoekom ek nou besluit om te praat, is die bewering wat hy gemaak het dat ek het hom 'n rassistiese woord toegesnou – dit het nooit gebeur nie.