బాబా బోధనలు లక్షల మందికి మార్గం చూపాయి

• “అందరినీ ప్రేమించు.. అందరినీ సేవించు" ఇదే ఆయన నినాదం. • ఆయన అందించిన సేవలు చిరస్థాయిగా నిలిచాయి

- 

• చాలా మంది జీవితాలను సత్యసాయి బాబా సమూలంగా మార్చేశారు

• ఆయన భౌతికంగా లేకున్నా మనతోనే ఉన్నారు

పుట్టపర్తి సత్యసాయి బాబా శత జయంతోత్సవంలో ప్రధాన మంత్రి నరేంద్ర మోడీ వెల్లడి

• సర్వమానవ సంక్షేమమే బాబా ధ్యేయం : ఏపీ సీఎం చంద్రబాబు నాయుడు

• ఆధ్యాత్మిక వెలుగునిచ్చిన అరుదైన శక్తి బాబా : డిప్యూటి సీఎం పవన్ కళ్యాణ్

• బాబా సేవలు చిరస్మరణీయం: ఐశ్యర్యా రాయ్

• బాబా బోధనలు నాలో ఎంతో ప్రేరణను ఇచ్చాయి : క్రికెటర్ సచిన్ టెండూల్కర్

పుట్టపర్తి,నవంబర్ 19(ఆదాబ్ హైదరాబాద్): సత్యసాయి జయంత్యుత్సవాల్లో పాల్గొనడం తన అదృష్టమని ప్రధాని నరేంద్ర మోదీ అన్నారు. పుట్టపర్తిలో నిర్వహించిన సత్యసాయి శత జయంత్యుత్సవాలకు ఆయన హాజరయ్యారు. ఈ సందర్భంగా ఏపీ సీఎం చంద్రబాబు, పవన్ కళ్యాణ్ తదితరులు ఘనంగా స్వాగతం పలికారు. అనంతరం సత్యసాయి మహా సమాధిని దర్శించుకుని నివాళులర్పించారు.. అనంతరం మాట్లాడారు. విశ్వప్రేమకు ప్రతిరూపంగా సత్యసాయి జీవించారు. భౌతికంగా బాబా లేకున్నా.. ఆయన ప్రేమ మనతోనే ఉంది. సత్యసాయి బోధనల ప్రభావం దేశమంతా కనిపిస్తోంది. కోట్ల మంది ఆయన భక్తులు మానవ సేవ చేస్తున్నారు. సత్యసాయి ప్రేమ సూత్రాలు ఎందరినో ఆలోచింపజేశాయన్నారు. బాబా బోధనలు లక్షల మందికి మార్గం చూపాయి. 'అందరినీ ప్రేమించు.. అందరినీ సేవించు'.. ఇదే ఆయన నినాదం. చాలా మంది జీవితాలను సత్యసాయి సమూలంగా మార్చేశారు. లక్షల మందిని సేవామార్గంలో నడిపించారు. ప్రజల కోసం కోసం ఎన్నో కార్యక్రమాలు చేపట్టారు. తాగునీరు, వైద్యం, విద్య వంటి రంగాల్లో విశిష్ట సేవలు అందించారు. పుట్టపర్తి పవిత్ర భూమిలో ఏదో మహత్తు ఉంది. సత్యసాయి సంస్థలన్నీ ఇలాగే ప్రేమను పంచుతూ వర్థిల్లాలని మోదీ అన్నారు. అంతకు ముందు సత్యసాయి జీవితం, బోధనలు, సేవల స్మారకార్థంగా రూపొందించిన రూ. 100 నాణెం, 4 తపాలా బిళ్లలను ప్రధాని ఆవిష్కరించారు. ఈ కార్యక్రమంలో ఏపీ సీఎం చంద్రబాబు, డిప్యూటీ సీఎం పవన్ కల్యాణ్, మంత్రి లోకేశ్, క్రికెట్ దిగ్గజం సచిన్ తెందూల్కర్, నటి ఐశ్వర్యారాయ్ తదితరులు పాల్గొన్నారు.

పుట్టపర్తికి రావడం ఎంతో సంతోషంగా ఉందని ప్రధానమంత్రి నరేంద్రమోదీ ఈ సందర్భంగా వ్యాఖ్యానించారు. సత్యసాయి జయంతి వేడుకల్లో పాల్గొనడం తన అదృష్టమని పేర్కొన్నారు.