తెలంగాణ సంస్కృతికి నిలువెత్తు నిదర్శనం

• తీరొక్క పువ్వులతో బతుకమ్మ సంబురం.. • తెలంగాణలో ముగిసిన బతుకమ్మ వేడుకలు • ప్రకృతి రమణీయతకు బతుకమ్మ నిదర్శనం

- 

• ఊరూవాడ సంబరాలతో బతుకమ్మకు వీడ్కోలు

• ఆటపాటలతో మారుమోగిన గ్రామాలు

• హైదరాబాద్ సహా పట్టణాల్లో ప్రత్యేక ఏర్పాట్లు

• ట్యాంక్బండ్పై వైభవంగా సంబురాలు

• రాజభవన్లో వేడుకల్లో గవర్నర్ దంపతులు

తెలంగాణలో బతుకమ్మ వేడుకలు అట్టహాసంగా ముగిశాయి... రాష్ట్రవ్యాప్తంగా ఆడపడుచులు సద్దుల బతుకమ్మ వేడుకలను ఘనంగా నిర్వహించారు. తొమ్మిది రోజులపాటు బతుకమ్మలను పేర్చి ఆడి పాడిన మహిళలు గురువారం నాడు సద్దుల బతుకమ్మ (పెద్ద బతుకమ్మ) తో పూల పండుగ వేడుకలు ముగిశాయి. పల్లె పల్లెన మహిళలు తొమ్మిది రోజుల పాటు బతుకమ్మలను పేర్చి ఆడి.. పాడారు. తెలంగాణ సంస్కృతి, సంప్రదాయాలు ఉట్టిపడేలా బతుకమ్మ సంబురాలు అంబరాన్నంటాయి. ఇటు హైదరాబాద్ సహా జిల్లాలు, పట్టణాలలో కూడా బతుకమ్మ వేడుకలు వైభవంగా జరిగాయి.అమ్మలక్కలు అంతా ఒక్కదగ్గర చేరి 'బతుకమ్మ బతుకమ్మ ఉయ్యాలో' అంటూ చప్పట్లు కొడుతూ నృత్యాలు చేశారు. అంతేకాకుండా రాష్ట్ర ప్రభుత్వం తరపున వేడుకలను ఘనంగా జరిగాయి. ట్యాంక్ బండ్ పై బతుకమ్మ సంబురాలు అంబరాన్నంటాయి. పదివేల బతుకమ్మలతో మహిళలు ట్యాంక్ బండ్ పై ఆడిపాడారు. సెక్రటేరియట్ నుంచి ట్యాంక్ బండ్ వరకు భారీ ఊరేగింపుగా బయలుదేరి వెళ్లారు. తెలంగాణ వ్యాప్తంగా ఎంగిలి పూల బతుకమ్మతో మొదలైన పూల పండుగ నిన్న సద్దుల బతుకమ్మ.. ఈ తొమ్మిది రోజులపాటు ఆడపడుచులు ఉత్సవాలను కన్నుల పండుగగా జరుపుకున్నారు.