கைதிஆண் 9658

(71) மலையை மறவு வைத்து...!

- சி.மகேந்திரன்

கம்பன் கவிச்சாரலில் யார்தான் மகிழ்ச்சிகொள்ள மாட்டார்கள். குற்றாலத்தில் குளிப்பதைப்போல அதன் சாரலில் இன்பம் கண்டவர் தோழர் நல்லகண்ணு. கம்பனின் கவிதைச் சிறப்பைப் போலவே, கம்பன் பற்றிய நாட்டுப்புறக் கதைகளிலும் பல சிறப்புகள் இருக்கின்றன. இவை அனைத்தையும் ஆர்வத்துடன் கற்றறிந்திருந்தார். அதில் ஏற்றப் பாடல் ஒன்றின் கவிதாநுட்பத்தைப் பற்றிய கதை ஒன்று இருப்பதையும் இவர் அறிந்திருந்தார்.

அந்தக் கதை, சுவைமிகுந்த ஏற்றம் MAGZ060825ல். அது மூன்று தினங்கள் தொடர்கிறது. 2005ஆம் ஆண்டு சென்னை பெருவெள்ளத்தில் மூழ்கிப்போன தோழர் நல்லகண்ணு, நோட்டுப்புத்தகத்தில் இதைப்போன்ற ஒரு அனுபவம் பதிவுசெய்யப்பட்டிருந்தது என் ஞாபகத்திற்கு வருகிறது. இந்த பதிவில் கம்பனைப் போலவே ஒரு அனுபவத்தைப் பெறுகிறார் தோழர் நல்லகண்ணு என்பதை என்னால் உணர்ந்துகொள்ள முடிகிறது..

கம்பன் ஏற்றப் பாடல் ஒன்றில், மயங்குவதாக கதை தொடங்குகிறது. ஏற்றம் இறைப்பவன் ராகமெடுத்துப் பாடுகிறான். அதன் ராகம் கம்பரை கிறக்கம் கொள்ள வைத்துவிடுகிறது. அப்படியொரு இனிமையான குரல் அவர் கேட்டதில்லை. கொஞ்ச நேரத்தில் கிறக்கம்தரும் இசை ஓசையிலிருந்து விடுபடுகிறார். பாடலின் பொருள் ஈர்க்கிறது.

அவன் மூங்கில் இலை மேலே என்று முதல் வரியை தொடங்குகிறான். அதில் அதற்கு அடுத்த வரி என்னவாக இருக்கும் என்று யோசிக்கிறார். கண்டறிய முடியவில்லை. அடுத்த கவிதாவரிக்காக அவர் காத்திருக்கிறார். பலமுறை இதையே திருப்பித் திருப்பிப் பாடிக்கொண்டிருந்த ஏற்றக்காரனின் பாடல் முடிந்துவிடுகிறது. கம்பர் ஏமாற்றமடைகிறார்.