કાવડયાત્રા પહોંચી ભાવનગર..

એક હજાર જેટલા શિવભક્તો આ યાત્રામાં જોડાવાના છે, એમાંથી મોટા ભાગના પ્રથમ વાર કાવડયાત્રામાં ભાગ લઈ રહ્યા છે

- 

દેશના આર્થિક અને ઔદ્યોગિક વિકાસની સાથે વિવિધ રાજ્યોના લોકો મૂળ વતન છોડી બીજા પ્રાંતમાં વસતા થયા છે. એની સાથે એમની આગવી પરંપરા અને ઉત્સવ પણ એ પ્રાંતમાં પહોંચ્યાં છે. મહારાષ્ટ્રના ગણેશોત્સવની જેમ બિહારનો છઠપૂજા ઉત્સવ, ઉત્તર ભારતમાં યોજાતી માતા કી ચોકી, કેરળમાં મકરસંક્રાંતિએ ઊજવાતો અયપ્પા સ્વામીનો ઉત્સવ પણ હવે ગુજરાતનાં મોટા ભાગનાં શહેરોમાં ઊજવાતા થયા છે. આ ઉત્સવોમાં હવે કાવડયાત્રાનું નામ પણ ઉમેરાયું છે. અમદાવાદ અને સુરત જેવાં શહેરોમાં વસતા પરપ્રાંતીય શિવભક્તો છેલ્લાં કેટલાંક વર્ષોથી કાવડયાત્રા યોજતા હોય છે તો હવે સૌરાષ્ટ્રમાં સૌપ્રથમ ભાવનગરમાં કાવડયાત્રાનું આયોજન થયું છે.