വനിതകൾക്കായി ഇ-ഓട്ടോയ്ക്ക് വായ്പ ഒരു ലക്ഷം സബ്സിഡി

വായ്പ തുകയുടെ 40% തുക ഒറ്റ ഗഡുവായി സബ്സിഡി അനുവദിക്കും.

- ബാലകൃഷ്ണൻ തക്കങ്ങോട്

വനിതകൾക്ക് ഇ-ഓട്ടോ വാങ്ങാൻ ബാങ്കു വായ്പയും ഒരു ലക്ഷം രൂപവരെ മൂലധന സബ്സിഡിയും.

ആർക്കെല്ലാം?

കേരള സംസ്ഥാന മുന്നാക്ക സമുദായ ക്ഷേമ കോർപറേഷൻ നടപ്പാക്കുന്ന 'സമുന്നതി ഇ-യാത്ര' പദ്ധതിയിൽ സംവരണേതര വിഭാഗത്തിൽ സാമ്പത്തികമായി പിന്നാക്കം നിൽക്കുന്നവർക്ക് അപേക്ഷിക്കാം. 2025 ജനുവരി 1ന് 50 വയസ്സിൽ താഴെയായിരിക്കണം. കുടുംബ വാർഷികവരുമാനം 4 ലക്ഷം രൂപയിൽ കവിയരുത്.

സാധുതയുള്ള LMV ഡ്രൈവിങ് ലൈസൻസ് വേണം. വിധവകൾ, മാരകരോഗം ബാധിച്ചവരെങ്കിലും ഓട്ടോ ഓടിക്കാൻ ആരോഗ്യമുള്ളവർ, ഉയർന്ന പ്രായമുള്ളവർ എന്നിവർക്കു മുൻഗണന.